ەنەرگەتيكا ءمينيسترى 2025 جىلعى 29 قاڭتاردا ق ر اۋماعىنداعى اۆتوگاز قۇيۋ ستانسيالارى ءۇشىن تاۋار بيرجالارىنان تىس ق ر ىشكى نارىعىنا سۇيىتىلعان مۇناي گازىن جەتكىزۋ جوسپارى شەڭبەرىندە سۇيىتىلعان مۇناي گازىنىڭ بولشەك ساۋدادا وتكىزۋدىڭ شەكتى باعالارىن بەكىتەتىن بۇيرىققا قول قويدى. وعان سايكەس، اۆتوگازدىڭ 1 ءليترى باعاسىنىڭ ءوسىمى وڭىرلەرگە بايلانىستى 6 تەڭگەدەن باستاپ 20 تەڭگەنى قۇرايدى، دەپ جازادى Dalanews.kz.
اۆتوموبيل وتىنى ءۇشىن پايدالانىلاتىن گازدىڭ 1 ءليترىنىڭ قۇنى وڭىرلەر بويىنشا بىلاي بەكىتىلدى:
- استانا - 102 تەڭگە (ءقازىر 82 تەڭگە، دەمەك +20 تگ)
- الماتى - 102 تەڭگە (ءقازىر 89 تەڭگە، دەمەك +13تگ)
- اقتوبە، اتىراۋ وبلىسى - 77 تەڭگە (ءقازىر 59 تەڭگە، دەمەك +18)
- اقمولا، الماتى وبلىسى - 102 تەڭگە (ءقازىر تيىسىنشە 84 تەڭگە، دەمەك، +18 جانە 89 تەڭگە، دەمەك +13)
- شىعىس قازاقستان، قوستاناي، قاراعاندى، جەتىسۋ، ۇلىتاۋ وبلىستارى جانە اباي وبلىسى - 102 تەڭگە (ءقازىر 84 تەڭگە، دەمەك +18)
- جامبىل وبلىسى - 90 تەڭگە (ءقازىر 78 تەڭگە، دەمەك+ 12)
- باتىس قازاقستان وبلىسى - 77 تەڭگە (ءقازىر 70 تەڭگە، دەمەك،+7)
- قىزىلوردا وبلىسى – 90 تەڭگە (ءقازىر 70 تەڭگە، دەمەك + 20)
- ماڭعىستاۋ وبلىسى - 65 تەڭگە (ءقازىر 59 تەڭگە، دەمەك +6)
- پاۆلودار وبلىسى - 102 تەڭگە (ءقازىر 81 تەڭگە، دەمەك + 21)
- سولتۇستىك قازاقستان وبلىسى - 102 تەڭگە (ءقازىر 89 تەڭگە، دەمەك +13)
- شىمكەنت قالاسى مەن تۇركىستان وبلىسى - 90 تەڭگە (ءقازىر 70 تەڭگە، دەمەك +20).
بۇيرىق 2025 جىلعى 1 اقپاننان باستاپ قولدانىسقا ەنگىزىلەدى.
بۇعان دەيىن مەملەكەتتىك رەتتەۋ الىنىپ، جانار-جاعارماي مەن ديزەل وتىنىنىڭ باعالارى ەركىنە جىبەرىلگەنى حابارلانعان. سوعان سايكەس، 1 اقپاننان باستاپ وسى مۇناي ءونىم تۇرلەرىنىڭ باعاسى جايلاپ قىمباتتاتىلا باستايدى. باستاپقىدا شامامەن 1 ليتر بەنزين باعاسى 4-5 تەڭگەگە قىمباتتايدى دەگەن ءسوز بار. سونداي-اق 1 اقپاننان باستاپ ەلەكتر ەنەرگياسى تاريفتەرىنىڭ باعاسى دا وسەدى. بۇل ارادا سوڭعى تۇتىنۋشى ءۇشىن ءوسىم قۇنى 2 تەڭگەنى قۇرايتىنى ايتىلعان.
