Almaty qalasy ákimi Erbolat Dosaev qalanyń úsh jyldyq búdjetiniń jobasy qaralyp jatqan máslıhattyń kezekten tys sesıasy kezinde abattandyrý pasporttaryn engizý barysy týraly aıtty, – dep habarlaıdy Dalanews.kz Almaty qalasy ákiminiń baspasóz qyzmetine silteme jasap.
Bul qujattar bıylǵy jyly qabyldanǵan qalany abattandyrýdyń jańa erejelerinde qarastyrylǵan.
– Memleket basshysynyń bastamasymen «Taza Qazaqstan» baǵdarlamasy aıasynda ákimdik súıikti qalamyzdy abattandyrý jáne kógaldandyrý boıynsha júıeli sharalar qabyldaýda. Qalany abattandyrý jáne kógaldandyrý – jaıly qalalyq orta qurý jáne almatylyqtardyń ómir súrý sapasyn arttyrý boıynsha bizdiń basymdyǵymyz. Abattandyrýdyń jańa sapasyna qol jetkizý jáne jasyl qordy keńeıtý úshin osy mańyzdy basymdyqtardy qarjylandyrý 2025 jyly 40%-ǵa nemese 50 mlrd teńgege 170,5 mlrd teńgege deıin ulǵaıady, – dedi Erbolat Dosaev.
Qala basshysy aǵymdaǵy jyldyń shilde aıynda aýmaqtardy abattandyrý pasporttaryn engizýdi kózdeıtin qalany abattandyrý erejeleri bekitilgenin eske saldy. Pasporttaý kásipkerler men basqa sýbektilerdiń irgeles aýmaqtar úshin jaýapkershilik shekaralaryn naqty anyqtaýǵa múmkindik beredi.
Abattandyrý pasportynda JTQ aýmaqtaryn, qurylys, balalar jáne sport alańdaryn, nóserli káriz jelilerin, baqsha-saıabaq jıhazdaryn jáne MAF ustaý tártibi sıpattalǵan. Ǵımarattar men qurylystardyń ıeleri qasbetterdi ýaqtyly jóndeýdi jáne syrlaýdy qosa alǵanda, olardy tıisti kútip ustaý men paıdalanýdy qamtamasyz etýge mindetti. Sonymen qatar, qasbetter men aýmaqtardyń estetıkalyq jáne sanıtarlyq jaǵdaıynyń durys zastigi úshin menshik ıeleriniń ákimshilik jaýapkershiligi bekitilgen.
Pasporttaý prosesi úsh kezeńge bólinedi. Birinshi kezeńde magıstraldyq kóshelerde, qalalyq mańyzy bar aımaqtarda jáne jaıaý júrginshiler keńistiginde myńnan astam nysan qamtyldy. Ekinshi kezeńde aýdandyq mańyzy bar kóshelerge nazar aýdarylady, al sońǵy kezeń jergilikti mańyzy bar kósheler men aýlaishilik aýmaqtardy qamtıdy.
Bul qujat 2 myńǵa jýyq kásipkerlik nysany úshin resimdeldi jáne 2025 jyldyń 1 sáýirine deıin 6 039 nysandy qamtı otyryp, pasporttaýdy tolyq aıaqtaý kezeń-kezeńmen qamtamasyz etiletin bolady.
