Prezident Qasym-Jomart Toqaev tsifrlandyrý, derbes derekterdi qorǵaý, jol qozǵalysy jáne kólik salasyndaǵy ozyq tehnologiialardy retteý máselelerine qatysty mańyzdy zańǵa qol qoidy. Qujat aiasynda "Halyqtyń kóshi-qony týraly" zańǵa birqatar ózgeris engizildi, dep habarlaidy dalanews.kz.
Jańa normalarǵa sáikes Qazaqstanǵa keletin shetel azamattary men azamattyǵy joq adamdar úshin elektron kirý ruqsaty engiziledi. Bul qujat sheteldikterge el aýmaǵyna kirýge jáne Qazaqstan arqyly tranzitpen ótýge múmkindik beredi.
Sondai-aq, zańda immigranttardyń biryńǵai tsifrlyq derekter bazasy, sheteldikterge arnalǵan tsifrlyq platforma jáne immigranttyń tsifrlyq profili siiaqty jańa uǵymdar paida boldy.
Endi Qazaqstanǵa kelgen immigranttar jeke basyn sáikestendirý rásiminen ótedi. Ol úshin olardyń jeke jáne biometriialyq deregi óńdelip, arnaiy tsifrlyq profil qalyptastyrylady.
Elektron kirý ruqsatyn Ishki ister organdary Ulttyq qaýipsizdik organdarymen kelisý arqyly beredi. Qujatty rásimdeý aqyly bolady. Tólem mólsheri men tártibin Úkimet belgileidi.
Túsken qarajattyń bir bóligi shekara arqyly kirý men shyǵýdy esepke alatyn tsifrlyq júielerdi damytýǵa jumsalsa, qalǵan bóligi eldegi týrizmdi damytýǵa baǵyttalady.
Zań resmi jariialanǵan kúnnen bastap 60 kún ótken soń kúshine enedi.
