Táýlik boiy tynymsyz naýqastardyń ómiri úshin kúresip jatqan abzal jandar qaýip-qaterge bastaryn tigip júrgeni aqiqat. Jandaryn shúperekke túiip júrsede olar bergen anttaryna adal. Sebebi, dárigerler qaýymynyń moinynda asqan jaýapkershilik pen halyqtyń senimi jatyr.
Qandai da qiyndyqtarǵa qaramastan olar ózderiniń mindetterin minsiz atqarýda. Dárigerler qaýymynyń qaltqysyz qyzmetiniń arqasynda óńirdegi jaǵdai turaqtalyp keledi. Almaty oblysy ákiminiń orynbasary Batyrjan Qulaimergenulynyń aitýynsha, indettiń taralý qarqyny báseńdegen.
- Sońǵy aptada oblys boiynsha pnevmoniiamen aýyrǵandar sanynyń tómendeýi baiqalady. Sondai-aq, jedel járdem stantsiiasyna qońyraý shalý sany 20% - ǵa azaidy. Buǵan deiin 391 mobildi top qurylǵan edi. Olar naýqastardyń úiine baryp turdy. Sonymen qatar 5 CALL- ortalyq qyzmet jasap, jaǵdaidyń jaqsarýyna yqpal etti»,- dedi Batyrjan Baijumanov.
Keselmen kúresýge zeinettegi dárigerlerde qol ushyn sozýda. Olar naýqastarǵa kerek keńesterdi aityp kómektesýde. Bul rettegi jumystar onlain túrde jalǵasyn tabýda. Odan bólek, Resei memleketinen bes dáriger kelip, oblys kóleminde keńes berip, diagnostikalyq jumystarmen ainalysýda.
Meditsina qyzmetkerleriniń júgin jeńildetý úshin oblys basshylyǵy da baryn salýda. Qazirgi tańda aýrýhanalarda 261 ókpeni jasandy jeldetý apparaty ornalastyrylǵan. Olardyń 60-sy balalarǵa, 201-i eresekterge arnalǵan. Jergilikti biýdjet qarajaty esebinen 625 mln. teńgege 50 ókpeni jasandy jeldetý apparaty satyp alynǵan. Taǵy da dál sondai 127 qurylǵy alynady dep kútilýde.
Al, demeýshilerdiń qoldaýynyń arqasynda 11 apparat alynǵan. Onyń ishinde 5-i Túrkiiadan jiberilgen gýmanitarlyq kómek arqyly kelgen. Aldaǵy ýaqytta 19 ókpeni jasandy jeldetý qurylǵysy alynady. Sonymen barlyq apparattardyń sany 407-ge jetpek.
Aimaqtaǵy infektsiialyq jáne provizorlyq statsionarda 250,9 myń deneqyzýyn túsiretin dári sondai-aq, 40,5 myń virýsqa qarsy preparattar men 475,0 antibiotikter bar.
2020 jyldyń 14 shildesinde Oblys ákimi Amandyq Batalov koronovirýs infektsiiasymen kúreske qosymsha 2,9 mlrd. teńge bólý týraly sheshim qabyldandy. 150 birlik IVL apparatyn satyp alýǵa 1,25 mlrd. teńge, meditsinalyq uiymdar úshin 550 mln. teńgege dárilik zattardy, 15 birlik jyljymaly rentgen - apparattaryn satyp alýǵa 375 mln. teńge, 100 birlik ottegi kontsentratorlaryna 83,4 mln. teńge. qarastyryldy.
Bul kórsetkishter Almaty oblysyndaǵy meditsina salasynyń ál- aýqatynyń artqanyn, virýspen kúrestiń qarqyndy júrip jatqanynyń dáleli.
Syn saǵatta elmen etene eńbek etip júrgen meditsina qyzmetkerlerine bar jaǵdai jasalǵan. Qajetti qorǵanysh quraldarymen qamtamasyz etilgen. Tipti ústem aqy men syiaqylaryn ýaqytyly alyp otyr.
Anar SABYROVA
