تاۋلىك بويى تىنىمسىز ناۋقاستاردىڭ ءومىرى ءۇشىن كۇرەسىپ جاتقان ابزال جاندار قاۋىپ-قاتەرگە باستارىن تىگىپ جۇرگەنى اقيقات. جاندارىن شۇپەرەككە ءتۇيىپ جۇرسەدە ولار بەرگەن انتتارىنا ادال. سەبەبى، دارىگەرلەر قاۋىمىنىڭ موينىندا اسقان جاۋاپكەرشىلىك پەن حالىقتىڭ سەنىمى جاتىر.
قانداي دا قيىندىقتارعا قاراماستان ولار وزدەرىنىڭ مىندەتتەرىن ءمىنسىز اتقارۋدا. دارىگەرلەر قاۋىمىنىڭ قالتقىسىز قىزمەتىنىڭ ارقاسىندا وڭىردەگى جاعداي تۇراقتالىپ كەلەدى. الماتى وبلىسى اكىمىنىڭ ورىنباسارى باتىرجان قۇلايمەرگەن ۇلىنىڭ ايتۋىنشا، ىندەتتىڭ تارالۋ قارقىنى باسەڭدەگەن.
- سوڭعى اپتادا وبلىس بويىنشا پنيەۆمونيامەن اۋىرعاندار سانىنىڭ تومەندەۋى بايقالادى. سونداي-اق، جەدەل جاردەم ستانسياسىنا قوڭىراۋ شالۋ سانى 20% - عا ازايدى. بۇعان دەيىن 391 ءموبيلدى توپ قۇرىلعان ەدى. ولار ناۋقاستاردىڭ ۇيىنە بارىپ تۇردى. سونىمەن قاتار 5 CALL- ورتالىق قىزمەت جاساپ، جاعدايدىڭ جاقسارۋىنا ىقپال ەتتى»،- دەدى باتىرجان بايجۇمانوۆ.
كەسەلمەن كۇرەسۋگە زەينەتتەگى دارىگەرلەردە قول ۇشىن سوزۋدا. ولار ناۋقاستارعا كەرەك كەڭەستەردى ايتىپ كومەكتەسۋدە. بۇل رەتتەگى جۇمىستار ونلاين تۇردە جالعاسىن تابۋدا. ودان بولەك، رەسەي مەملەكەتىنەن بەس دارىگەر كەلىپ، وبلىس كولەمىندە كەڭەس بەرىپ، دياگنوستيكالىق جۇمىستارمەن اينالىسۋدا.
مەديسينا قىزمەتكەرلەرىنىڭ جۇگىن جەڭىلدەتۋ ءۇشىن وبلىس باسشىلىعى دا بارىن سالۋدا. قازىرگى تاڭدا اۋرۋحانالاردا 261 وكپەنى جاساندى جەلدەتۋ اپپاراتى ورنالاستىرىلعان. ولاردىڭ 60-سى بالالارعا، 201ء-ى ەرەسەكتەرگە ارنالعان. جەرگىلىكتى بيۋدجەت قاراجاتى ەسەبىنەن 625 ملن. تەڭگەگە 50 وكپەنى جاساندى جەلدەتۋ اپپاراتى ساتىپ الىنعان. تاعى دا ءدال سونداي 127 قۇرىلعى الىنادى دەپ كۇتىلۋدە.
ال، دەمەۋشىلەردىڭ قولداۋىنىڭ ارقاسىندا 11 اپپارات الىنعان. ونىڭ ىشىندە 5ء-ى تۇركيادان جىبەرىلگەن گۋمانيتارلىق كومەك ارقىلى كەلگەن. الداعى ۋاقىتتا 19 وكپەنى جاساندى جەلدەتۋ قۇرىلعىسى الىنادى. سونىمەن بارلىق اپپاراتتاردىڭ سانى 407-گە جەتپەك.
ايماقتاعى ينفەكسيالىق جانە پروۆيزورلىق ستاسيوناردا 250،9 مىڭ دەنەقىزۋىن تۇسىرەتىن ءدارى سونداي-اق، 40،5 مىڭ ۆيرۋسقا قارسى پرەپاراتتار مەن 475،0 انتيبيوتيكتەر بار.
2020 جىلدىڭ 14 شىلدەسىندە وبلىس اكىمى اماندىق باتالوۆ كورونوۆيرۋس ينفەكسياسىمەن كۇرەسكە قوسىمشا 2،9 ملرد. تەڭگە ءبولۋ تۋرالى شەشىم قابىلداندى. 150 بىرلىك يۆل اپپاراتىن ساتىپ الۋعا 1،25 ملرد. تەڭگە، مەديسينالىق ۇيىمدار ءۇشىن 550 ملن. تەڭگەگە دارىلىك زاتتاردى، 15 بىرلىك جىلجىمالى رەنتگەن - اپپاراتتارىن ساتىپ الۋعا 375 ملن. تەڭگە، 100 بىرلىك وتتەگى كونسەنتراتورلارىنا 83،4 ملن. تەڭگە. قاراستىرىلدى.
بۇل كورسەتكىشتەر الماتى وبلىسىنداعى مەديسينا سالاسىنىڭ ءال- اۋقاتىنىڭ ارتقانىن، ۆيرۋسپەن كۇرەستىڭ قارقىندى ءجۇرىپ جاتقانىنىڭ دالەلى.
سىن ساعاتتا ەلمەن ەتەنە ەڭبەك ەتىپ جۇرگەن مەديسينا قىزمەتكەرلەرىنە بار جاعداي جاسالعان. قاجەتتى قورعانىش قۇرالدارىمەن قامتاماسىز ەتىلگەن. ءتىپتى ۇستەم اقى مەن سىياقىلارىن ۋاقىتىلى الىپ وتىر.
انار سابىروۆا
