Qazaqstan Respýblıkasy Bas Prokýrorynyń 18 qazandaǵy buıryǵymen Almaty oblysy prokýrorynyń orynbasary S. S. Bakırov pen Talǵar aýdanynyń prokýrory E. K. Bekmanov atqaratyn laýazymdarynan bosatyldy.
Qylmystyq proseste zańdylyqty qadaǵalaý boıynsha jumysta eleýli kemshilikterdiń bolýy negiz bolǵan.
Eske salaıyq, buǵan deıin Talǵardaǵy tragedıaǵa baılanysty Hasan Qasymbaev aǵasy qyzmetinen ketti.
Al Talǵar aýdanynyń ákimi Aıdarbekov Tańat pen onyń orynbasary Aıbek Bıdaevqa sógis jarıalandy.
Aıta keteıik, buǵan deıin Talǵar qalasynyń ákimi Qýatbekuly Bahyt Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵanyn jazǵan edik.
Basqa laýazymdaǵy qyzmetkerlerdiń jaýapkershilik deńgeıi pysyqtalýda.
Eske salaıyq, Talǵarda jappaı tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aıtýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaıdan keıin tóbeles bastalǵan.
Kámeletke tolmaǵan balany óltirý faktisi boıynsha Almaty oblysynyń polısıa departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý ızolátoryna qamaýǵa alynǵan.
Al 15 qazanda İshki ister vıse-mınıstri taǵy úsh kúdiktiniń ustalǵanyn málim etti.
Sonymen qatar, Almaty oblystyq polısıa departamenti bastyǵynyń mindetin atqarýshy Shalqarov tóbelesten keıin qansha qarý tárkilengenin aıtty.
Odan keıin Sherzattyń úıine kúzet qoıyldy.
Kóp uzamaı marqum Sherzattyń úıi órtendi.
