قازاقستان رەسپۋبليكاسى باس پروكۋرورىنىڭ 18 قازانداعى بۇيرىعىمەن الماتى وبلىسى پروكۋرورىنىڭ ورىنباسارى س. س. باكيروۆ پەن تالعار اۋدانىنىڭ پروكۋرورى ە. ك. بەكمانوۆ اتقاراتىن لاۋازىمدارىنان بوساتىلدى.
قىلمىستىق پروتسەستە زاڭدىلىقتى قاداعالاۋ بويىنشا جۇمىستا ەلەۋلٸ كەمشٸلٸكتەردٸڭ بولۋى نەگٸز بولعان.
ەسكە سالايىق, بۇعان دەيٸن تالعارداعى تراگەديياعا بايلانىستى حاسان قاسىمباەۆ اعاسى قىزمەتٸنەن كەتتٸ.
ال تالعار اۋدانىنىڭ ەكٸمٸ ايداربەكوۆ تاڭات پەن ونىڭ ورىنباسارى ايبەك بيداەۆقا سٶگٸس جارييالاندى.
ايتا كەتەيٸك, بۇعان دەيٸن تالعار قالاسىنىڭ ەكٸمٸ قۋاتبەكۇلى باحىت كٷرٸشبەكوۆ, تالعار قالاسى ەكٸمٸنٸڭ ورىنباسارى ماتان ساعىندىق ٶز مٸندەتتەرٸن تيٸستٸ دەڭگەيدە اتقارماعانى ٷشٸن لاۋازىمدارىنان بوساتىلعانىن جازعان ەدٸك.
باسقا لاۋازىمداعى قىزمەتكەرلەردٸڭ جاۋاپكەرشٸلٸك دەڭگەيٸ پىسىقتالۋدا.
ەسكە سالايىق, تالعاردا جاپپاي تٶبەلەس بولىپ, سالدارىنان 16 جاستاعى جاسٶسپٸرٸم كٶز جۇمدى. جانجال جٸگٸتتٸڭ وتباسى جالعا الاتىن دٷكەننەن باستالعان. تۋىستارىنىڭ ايتۋىنشا, ساۋدا نٷكتەسٸنە كەلگەن ساتىپ الۋشى سىرا الىپ, اقشاسىن تٶلەۋدەن باس تارتقان. وسى جاعدايدان كەيٸن تٶبەلەس باستالعان.
كەمەلەتكە تولماعان بالانى ٶلتٸرۋ فاكتٸسٸ بويىنشا الماتى وبلىسىنىڭ پوليتسييا دەپارتامەنتٸ قىلمىستىق ٸس قوزعادى.
قازٸرگٸ تاڭدا كٸنەلٸ دەپ تانىلعان 7 ادام ۇستالىپ, ۋاقىتشا ۇستاۋ يزولياتورىنا قاماۋعا الىنعان.
ال 15 قازاندا ٸشكٸ ٸستەر ۆيتسە-مينيسترٸ تاعى ٷش كٷدٸكتٸنٸڭ ۇستالعانىن مەلٸم ەتتٸ.
سونىمەن قاتار, الماتى وبلىستىق پوليتسييا دەپارتامەنتٸ باستىعىنىڭ مٸندەتٸن اتقارۋشى شالقاروۆ تٶبەلەستەن كەيٸن قانشا قارۋ تەركٸلەنگەنٸن ايتتى.
ودان كەيٸن شەرزاتتىڭ ٷيٸنە كٷزەت قويىلدى.
كٶپ ۇزاماي مارقۇم شەرزاتتىڭ ٷيٸ ٶرتەندٸ.
