Qoǵamdyq kólikke bólinetin memlekettik sýbsidiialar tiimsiz ári jemqorlyqqa jol ashady. Mundai pikirdi ekonomist-sarapshy Oljas Baidildinov bildirdi, dep habarlaidy Dalanews.kz.
Onyń aitýynsha, Petropavlda tasymaldaýshylarǵa sýbsidiia úsh jyldan beri tólenbei keledi, al jolaqynyń ózin-ózi aqtaityn quny keminde 345 teńge bolýy tiis.
"Men bul máseleni burynnan aityp kelemin. Avtoparkterge bólinetin sýbsidiialar júiesi tumandy, jemqorlyqqa beiim, ári sapa turǵysynan eshqandai nátije bermeidi", — deidi sarapshy.
Onyń pikirinshe, Astana men Almatyda qoǵamdyq kólik jolaqysy 500 teńge shamasynda bolýy tiis. Buǵan deiin máslihat sessiialarynda 450 teńge kólemindegi ózindik qun da atalǵan.
"Mysaly, byltyr Almatyda avtobýs tasymalyna 200 million dollar sýbsidiia bólindi. Biraq odan sapa jaqsardy ma?" – deidi ol.
Sarapshy bul salaǵa naryqtyq baǵa men ashyq básekelestik engizý qajet ekenin aitady.
"Úsh aialdama júrgen adam men bir jarym saǵat jol júrgen jolaýshynyń birdei tóleýi ekonomikalyq turǵydan qisynsyz. Jolaqy qashyqtyqqa qarai eseptelýi kerek", - dep qosty Baidildinov.
Onyń aitýynsha, memlekettik sýbsidiialardan bas tartý jáne tarifterdi naryqqa jiberý qoǵamdyq kólik júiesin saýyqtyrýdyń jalǵyz joly.
"Mysal retinde Úndistannyń Deli qalasyn alaiyq. Onda metro men LRT jolaqysy 20–70 rýpii aralyǵynda (shamamen 140–470 teńge)", - dep túiindedi ol.
