Almaty ákimdigi Sairan kólinde shomylýǵa tyiym salyný sebebin túsindirdi. Sý sanitarlyq-gigienalyq saraptamadan ótpegendikten, onda shomylýǵa qatań tyiym salynady,- dep habarlaidy Dalanews.kz
Qoǵamdyq keńistikterdi damytý basqarmasynyń habarlaýynsha, bul sharalar "Halyqtyń sanitariialyq-epidemiologiialyq salamattylyǵy týraly" jáne "Qorshaǵan ortany qorǵaý týraly" zańdarǵa sáikes qabyldanǵan. Qazir Sairan aýmaǵy qorshalyp, kól mańynda qurylys jáne injenerlik jumystar jalǵasyp jatyr. Sý aidyny áli resmi túrde paidalanýǵa berilgen joq.
"Kólge sý jiberý tek ýaqytsha synaq retinde júrgizildi. Qazir sý deńgeii bekitilgen josparǵa sáikes tómendetildi", – delingen ákimdik habarlamasynda.
Sondai-aq, ákimdik QR zańnamasyna sáikes, shomylýǵa tek sý sapasy boiynsha sanitarlyq-epidemiologiialyq qorytyndy alynǵannan keiin ǵana ruqsat beriletinin eske saldy.
Eske salaiyq, jýyrda Sairan kóline bir kúnde eki adam batyp ketti. Qutqarýshylar sýdan 17 jastaǵy jasóspirim men 1977 jyly týǵan er adamnyń denesin alyp shyqty.
