الماتى اكىمدىگى سايران كولىندە شومىلۋعا تىيىم سالىنۋ سەبەبىن ءتۇسىندىردى. سۋ سانيتارلىق-گيگيەنالىق ساراپتامادان وتپەگەندىكتەن، وندا شومىلۋعا قاتاڭ تىيىم سالىنادى،- دەپ حابارلايدى Dalanews.kz
قوعامدىق كەڭىستىكتەردى دامىتۋ باسقارماسىنىڭ حابارلاۋىنشا، بۇل شارالار "حالىقتىڭ سانيتاريالىق-ەپيدەميولوگيالىق سالاماتتىلىعى تۋرالى" جانە "قورشاعان ورتانى قورعاۋ تۋرالى" زاڭدارعا سايكەس قابىلدانعان. ءقازىر سايران اۋماعى قورشالىپ، كول ماڭىندا قۇرىلىس جانە ينجەنەرلىك جۇمىستار جالعاسىپ جاتىر. سۋ ايدىنى ءالى رەسمي تۇردە پايدالانۋعا بەرىلگەن جوق.
"كولگە سۋ جىبەرۋ تەك ۋاقىتشا سىناق رەتىندە جۇرگىزىلدى. ءقازىر سۋ دەڭگەيى بەكىتىلگەن جوسپارعا سايكەس تومەندەتىلدى"، – دەلىنگەن اكىمدىك حابارلاماسىندا.
سونداي-اق، اكىمدىك ق ر زاڭناماسىنا سايكەس، شومىلۋعا تەك سۋ ساپاسى بويىنشا سانيتارلىق-ەپيدەميولوگيالىق قورىتىندى الىنعاننان كەيىن عانا رۇقسات بەرىلەتىنىن ەسكە سالدى.
ەسكە سالايىق، جۋىردا سايران كولىنە ءبىر كۇندە ەكى ادام باتىپ كەتتى. قۇتقارۋشىلار سۋدان 17 جاستاعى ءجاسوسپىرىم مەن 1977 جىلى تۋعان ەر ادامنىڭ دەنەسىن الىپ شىقتى.
