Mańǵystaý oblysy Túpqaraǵan aýdanynyń prokýratýrasy Investorlardyń quqyqtaryn qorǵaý komitetimen birlesip, kásipkerlikti injenerlik jelilerge qosý kezindegi zańsyz tájiribeniń jolyn kesti, dep habarlaidy dalanews.kz.
Qabyldanǵan sharalar nátijesinde 3 investor men 16 kásipkerdiń quqyǵy qorǵalyp, kináli laýazymdy tulǵalar ákimshilik jaýaptylyqqa tartyldy,olarǵa jalpy somasy 9,1 mln teńge aiyppul salyndy.
Qadaǵalaý sharalary barysynda tabiǵi monopoliia sýbektileri elektr jáne sýmen jabdyqtaý jelilerine qosýǵa tehnikalyq shart bergen kezde kásipkerlerden qoldanystaǵy zańnamada kózdelmegen qujattardy negizsiz talap etkeni anyqtaldy.
Sondai-aq qyzmet kórsetý tártibiniń buzylǵan faktileri anyqtaldy: tehnikalyq shart berýden bas tartý týraly ýákiletti organdardy habardar etpeý, sondai-aq investorlar men kásipkerlerdiń ótinishterin qaraýdyń belgilengen merzimderin buzý.
Prokýrorlyq den qoiý aktileri boiynsha eki tabiǵi monopoliia sýbektisine qatysty ákimshilik quqyq buzýshylyq týraly 16 is qozǵaldy. Olardy qaraý qorytyndysy boiynsha kináli laýazymdy tulǵalar jaýaptylyqqa tartylyp, aiyppuldar tolyq kólemde óndirildi.
Qabyldanǵan sharalar ákimshilik kedergilerdi joiýǵa, investorlar men kásipkerlerdiń buzylǵan quqyqtaryn qalpyna keltirýge jáne injenerlik jelilerge qosý kezinde zańnamanyń saqtalýyn qamtamasyz etýge múmkindik berdi.
