Venesýelada 25 maýsymǵa qaraǵan túni bolǵan eki jer silkinisinen qaza tapqandar sany 2295 adamǵa jetti, dep habarlaidy dalanews.kz.
Bul týraly eldiń Ulttyq assambleiasynyń tóraǵasy Horhe Rodriges málimdedi. Onyń aitýynsha, zardap shekkender sany 11 267 adamǵa jetken. Sondai-aq, 13 myńǵa jýyq turǵyn baspanasyz qalǵan.
Al BUU málimetinshe, shamamen 50 myń adam iz-túzsiz joǵalǵandar qatarynda. Horhe Rodrigestiń aitýynsha, olardyń 30 myńǵa jýyǵy tabiǵi apattan eń kóp zardap shekken La-Gýaira qalasynyń porty aimaǵynda bolǵan.
Onyń málimetinshe, qutqarýshylar úiindi astynan 6,5 myńǵa jýyq adamdy aman alyp shyqqan.
Bilik ókilderi aman qalǵandar sany budan da kóp bolýy múmkin ekenin aitady. Óitkeni kóptegen turǵyn óz kúshimen nemese týystary men jergilikti turǵyndardyń kómegimen qutqarylǵan.
Venesýela prezidentiniń mindetin atqarýshy Delsi Rodriges jer silkinisinen qaza tapqandardy eske alý maqsatynda elde jeti kúndik ulttyq aza tutý jariialady.
Qaraly kún 1 shildede jergilikti ýaqyt boiynsha saǵat 18:00-de bastaldy.
