Ýkraina prezidenti Vladimir Zelenskiidiń aitýynsha, Resei jaqyn kúnderi Ýkraina aýmaǵyna jappai áýe soqqysyn jasaýy múmkin, dep habarlaidy dalanews.kz.
Bul týraly ol Irlandiia premer-ministri Mihol Martinmen ótken birlesken baspasóz máslihatynda aitty.
"Ádette bir-eki apta saiyn júzdegen dron men ondaǵan túrli zymyran qoldanylatyn jappai shabýyldar jasalady. Barlaý málimetine sáikes Resei taǵy bir osyndai aýqymdy shabýylǵa daiyndalyp jatyr", - dedi Zelenskii.
Ol osyǵan bailanysty óz komandasymen birge shuǵyl túrde Ýkrainaǵa oralatynyn aityp, turǵyndardy áýe dabyly týraly eskertýlerge bei-jai qaramaýǵa shaqyrdy.
Buǵan deiin ýkrainalyq áskeri sarapshy Aleksei Getman da Resei Ýkrainaǵa jappai soqqy jasaýy múmkin ekenin aitqan edi. Onyń sózinshe, Resei áskeri zymyrandar men drondardy paidalanyp, aýqymdy shabýyldaryn jalǵastyryp keledi. Keiingi ýaqytta mundai shabýyldardyń negizgi nysanalarynyń biri Kiev qalasy bolyp otyr.
