Air Astana áýe kompaniiasy reiske otyrǵyzylmaǵan jolaýshyǵa qatysty taǵy bir sotta jeńilip qaldy. Bul joly talap-aryzdy Qyzylorda turǵyny Torǵyn Ábilqaiyrova túsirgen, dep habarlaidy Dalanews.kz jýrnalist Mihail Kozachkovqa silteme jasap.
Áiel 2025 jylǵy 16 tamyzda Almatyǵa ushýy kerek bolǵan. Ol áýe kompaniiasynyń talaptaryna sai onlain tirkeýden aldyn ala ótip, áýejaiǵa da ýaqytynda kelgen. Alaida soǵan qaramastan, jolaýshyny ushaq bortyna kirgizbegen.
Áýe kompaniiasy muny júiede tehnikalyq aqaý boldy dep túsindirgen.
Nátijesinde Torǵyn Ábilqaiyrova Almatyǵa usha almai qalyp, óz quqyǵyn qorǵaý úshin sotqa júginýge májbúr bolǵan.
Talap-aryz jáne ótemaqy
Jolaýshy sottan:
5 mln teńge – moraldyq ziian úshin,
200 myń teńge – advokat qyzmetiniń shyǵyny,
56 606 teńge – paidalanylmaǵan bilet qunyn óndirip berýdi suraǵan.
Sot sheshimi
Isti qaraǵan sýdia Indira Abekova Air Astana kompaniiasy «Tutynýshylardyń quqyqtaryn qorǵaý týraly» zańdy buzǵanyn anyqtady.
Sot sheshiminde satyp alynǵan áýe bileti qyzmet kórsetý týraly kelisimshart bolyp sanalatyny, al aviakompaniia óz mindetin tolyq oryndamaǵany kórsetilgen.
Nátijesinde talap-aryz ishinara qanaǵattandyryldy:
- jolaýshyǵa bilet quny tolyq qaitarylady;
- advokat shyǵyndary óteledi;
- moraldyq ziian mólsheri 500 myń teńge dep belgilendi.
Sot sheshimi ázirge zańdy kúshine engen joq jáne apelliatsiialyq tártippen qaita qaralýy múmkin.
Aita keteiik, 2024 jyly osyndai jaǵdai kámeletke tolmaǵan Zere esimdi qyzdyń basynan ótken. Ol overbýking saldarynan FlyArystan reisimen Astanadan Oralǵa usha almai, áýejaida qalyp qoiǵan.
Keiin balanyń ata-anasy sot arqyly 5 million teńge kóleminde ótemaqy óndirip alǵan bolatyn.
