Air Astana ەۋە كومپانيياسى رەيسكە وتىرعىزىلماعان جولاۋشىعا قاتىستى تاعى بٸر سوتتا جەڭٸلٸپ قالدى. بۇل جولى تالاپ-ارىزدى قىزىلوردا تۇرعىنى تورعىن ەبٸلقايىروۆا تٷسٸرگەن, دەپ حابارلايدى Dalanews.kz جۋرناليست ميحايل كوزاچكوۆقا سٸلتەمە جاساپ.
ەيەل 2025 جىلعى 16 تامىزدا الماتىعا ۇشۋى كەرەك بولعان. ول ەۋە كومپانيياسىنىڭ تالاپتارىنا ساي ونلاين تٸركەۋدەن الدىن الا ٶتٸپ, ەۋەجايعا دا ۋاقىتىندا كەلگەن. الايدا سوعان قاراماستان, جولاۋشىنى ۇشاق بورتىنا كٸرگٸزبەگەن.
ەۋە كومپانيياسى مۇنى جٷيەدە تەحنيكالىق اقاۋ بولدى دەپ تٷسٸندٸرگەن.
نەتيجەسٸندە تورعىن ەبٸلقايىروۆا الماتىعا ۇشا الماي قالىپ, ٶز قۇقىعىن قورعاۋ ٷشٸن سوتقا جٷگٸنۋگە مەجبٷر بولعان.
تالاپ-ارىز جەنە ٶتەماقى
جولاۋشى سوتتان:
5 ملن تەڭگە – مورالدىق زييان ٷشٸن,
200 مىڭ تەڭگە – ادۆوكات قىزمەتٸنٸڭ شىعىنى,
56 606 تەڭگە – پايدالانىلماعان بيلەت قۇنىن ٶندٸرٸپ بەرۋدٸ سۇراعان.
سوت شەشٸمٸ
ٸستٸ قاراعان سۋديا ينديرا ابەكوۆا Air Astana كومپانيياسى «تۇتىنۋشىلاردىڭ قۇقىقتارىن قورعاۋ تۋرالى» زاڭدى بۇزعانىن انىقتادى.
سوت شەشٸمٸندە ساتىپ الىنعان ەۋە بيلەتٸ قىزمەت كٶرسەتۋ تۋرالى كەلٸسٸمشارت بولىپ سانالاتىنى, ال اۆياكومپانييا ٶز مٸندەتٸن تولىق ورىنداماعانى كٶرسەتٸلگەن.
نەتيجەسٸندە تالاپ-ارىز ٸشٸنارا قاناعاتتاندىرىلدى:
- جولاۋشىعا بيلەت قۇنى تولىق قايتارىلادى;
- ادۆوكات شىعىندارى ٶتەلەدٸ;
- مورالدىق زييان مٶلشەرٸ 500 مىڭ تەڭگە دەپ بەلگٸلەندٸ.
سوت شەشٸمٸ ەزٸرگە زاڭدى كٷشٸنە ەنگەن جوق جەنە اپەللياتسييالىق تەرتٸپپەن قايتا قارالۋى مٷمكٸن.
ايتا كەتەيٸك, 2024 جىلى وسىنداي جاعداي كەمەلەتكە تولماعان زەرە ەسٸمدٸ قىزدىڭ باسىنان ٶتكەن. ول وۆەربۋكينگ سالدارىنان FlyArystan رەيسٸمەن استانادان ورالعا ۇشا الماي, ەۋەجايدا قالىپ قويعان.
كەيٸن بالانىڭ اتا-اناسى سوت ارقىلى 5 ميلليون تەڭگە كٶلەمٸندە ٶتەماقى ٶندٸرٸپ العان بولاتىن.
