"QazAvtoJol" ulttyq kompaniiasynyń mamandary Abai oblysynda túni boiy qar qursaýynda qalǵandardy qutqaryp álek. Olar 60-tan astam avtokólikti jolǵa salǵan. Degenmen kepteliste turǵandar áli de kóp, dep habarlaidy Dalanews.kz.
Ulttyqkompaniia baspasóz qyzmetiniń habarlaýynsha, túnde saǵat 23:00 den bastap "Almaty - Taldyqorǵan - Óskemen" tas jolynyń Taskesken aýylyna burylys pen Aiagóz qalasy aralyǵynda júk kólikteri úshin, artynsha jeńil kólikter úshin de jol jabylǵan.
"Alaida atalǵan ýchaskede údete soqqan boran kezinde jolǵa shyǵyp úlgergen 100 den astam kólik turyp qalǵan. "QazAvtojol" ulttyq kompaniiasynyń 20-ǵa jýyq aýyr tehnikasy túni boiy qutqarý jumystaryn jalǵastyryp jatyr. Qatty boran tas joldy tolyq tazalaýǵa mursha bermei tur. Jolda qalǵa 3 jolaýshy avtobýsy Aiagóz qalasyna jetkizilgen. 77 adam, onyń ishinde 3 bala jylytý pýnktine ornalastyryldy. Taskesken aýylyna burylys pen Aiagóz aralyǵy áli de jabyq. Taskesken jaǵynda 90 júk, 40 jeńil kólik pen 4 avtobýs joldyń ashylýyn tosyp tur. Aiagóz jaqtan da jolǵa shyǵyp, qatynastyń qalypyna kelýin kútip 120-dan astam kólik kútýde", delingen shuǵyl habarlamada.
Kóktem shyqty degenmen, qys áli de minez kórsetip tur. Sondyqtan, ulttyq operator mamandary jolǵa shyqpas buryn 1403 bailanys ortalyǵyna habarlasyp, táýlik boiy joldyń ashyqtyǵy jaily aqparat alýǵa keńes beredi.
