Abai oblysy prokýratýrasynyń narazylyǵymen aýdannyń burynǵy ákimi "Qurmetti azamattar" tiziminen shyǵaryldy, dep habarlaidy Dalanews.kz.
Abai oblysy prokýratýrasy Besqaraǵai aýdandyq máslihatynyń burynǵy aýdan ákimi Nurlan Sydyqovqa "Aýdannyń Qurmetti azamaty" ataǵyn berý týraly sheshiminiń zańdylyǵyn tekserdi.
Qoldanystaǵy qaǵidalarǵa sáikes "Abai oblysynyń (qalanyń, aýdannyń) Qurmetti azamaty" ataǵy minsiz eńbegi men qoǵam tarapynan moiyndalǵan nátijeleri bar azamattarǵa beriledi.
"Nurlan Sydyqov Jarma aýdanynyń ákimi qyzmetin atqara otyryp, sybailas jemqorlyq jasaǵan jáne Jarma aýdandyq sotynyń úkimimen sottalǵan. Buryn sybailas jemqorlyqqa qatysy bolǵan tulǵaǵa mundai ataq berýge jol berilmeidi. Abai oblysy prokýratýrasynyń narazylyǵy boiynsha aýdandyq máslihattyń sheshimimen eks-ákim "Aýdannyń Qurmetti azamaty" ataǵyna ie bolǵan adamdar tiziminen shyǵaryldy", - dep jazylǵan óńir prokýratýrasy habarlamasynda.
