اباي وبلىسى پروكۋراتۋراسىنىڭ نارازىلىعىمەن اۋداننىڭ بۇرىنعى اكىمى "قۇرمەتتى ازاماتتار" تىزىمىنەن شىعارىلدى، دەپ حابارلايدى Dalanews.kz.
اباي وبلىسى پروكۋراتۋراسى بەسقاراعاي اۋداندىق ءماسليحاتىنىڭ بۇرىنعى اۋدان اكىمى نۇرلان سىدىقوۆقا "اۋداننىڭ قۇرمەتتى ازاماتى" اتاعىن بەرۋ تۋرالى شەشىمىنىڭ زاڭدىلىعىن تەكسەردى.
قولدانىستاعى قاعيدالارعا سايكەس "اباي وبلىسىنىڭ (قالانىڭ، اۋداننىڭ) قۇرمەتتى ازاماتى" اتاعى ءمىنسىز ەڭبەگى مەن قوعام تاراپىنان مويىندالعان ناتيجەلەرى بار ازاماتتارعا بەرىلەدى.
"نۇرلان سىدىقوۆ جارما اۋدانىنىڭ اكىمى قىزمەتىن اتقارا وتىرىپ، سىبايلاس جەمقورلىق جاساعان جانە جارما اۋداندىق سوتىنىڭ ۇكىمىمەن سوتتالعان. بۇرىن سىبايلاس جەمقورلىققا قاتىسى بولعان تۇلعاعا مۇنداي اتاق بەرۋگە جول بەرىلمەيدى. اباي وبلىسى پروكۋراتۋراسىنىڭ نارازىلىعى بويىنشا اۋداندىق ءماسليحاتتىڭ شەشىمىمەن ەكس-اكىم "اۋداننىڭ قۇرمەتتى ازاماتى" اتاعىنا يە بولعان ادامدار تىزىمىنەن شىعارىلدى"، - دەپ جازىلعان ءوڭىر پروكۋراتۋراسى حابارلاماسىندا.
