Astana qalasynda osydan toǵyz jyl buryn, iaǵni 2016 jyly jasalǵan asa aýyr qylmys ashylyp, kúdikti ustaldy, dep habarlaidy Dalanews.kz
Astanada 2016 jyly óz úiinde 80 jastaǵy ájei qaskóidiń qolynnan qaza tapqan. Qylmysker úige kirip, zeinetkerdi zorlap, qylmystyń izin jasyrǵysy kelip, ony uryp óltirip, oqiǵa ornynan qashyp ketken.
Oqiǵa ornynda kriminalister eleýsiz baiqalatyn biologiialyq izderdi alyp, zerthanalyq taldaý júrgizgen. Alynǵan materialdardan DNQ-kodty bólip aldy.
Toǵyz jyl boiy qylmys ashylmaǵan, al qandyqol jasyrynyp júrgen edi. Kúni búginge deiin qolǵa túspei kelgen.
«IIM molekýlalyq-genetikalyq zerthanasy men DNQ bazasynyń jańa tehnologiialary arqasynda sáikestik anyqtaldy. Osylaisha, 65 jastaǵy kúdiktiniń jeke basy belgili boldy. Er adam ustalyp, izoliatorǵa qamaldy. Ol óz qylmysyn moiyndady», - dep atap ótti IIM jedel-kriminalistikalyq departamentiniń mamandary.
