استانا قالاسىندا وسىدان توعىز جىل بۇرىن, ياعني 2016 جىلى جاسالعان اسا اۋىر قىلمىس اشىلىپ, كٷدٸكتٸ ۇستالدى, دەپ حابارلايدى Dalanews.kz
استانادا 2016 جىلى ٶز ٷيٸندە 80 جاستاعى ەجەي قاسكٶيدٸڭ قولىننان قازا تاپقان. قىلمىسكەر ٷيگە كٸرٸپ, زەينەتكەردٸ زورلاپ, قىلمىستىڭ ٸزٸن جاسىرعىسى كەلٸپ, ونى ۇرىپ ٶلتٸرٸپ, وقيعا ورنىنان قاشىپ كەتكەن.
وقيعا ورنىندا كريميناليستەر ەلەۋسٸز بايقالاتىن بيولوگييالىق ٸزدەردٸ الىپ, زەرتحانالىق تالداۋ جٷرگٸزگەن. الىنعان ماتەريالداردان دنق-كودتى بٶلٸپ الدى.
توعىز جىل بويى قىلمىس اشىلماعان, ال قاندىقول جاسىرىنىپ جٷرگەن ەدٸ. كٷنٸ بٷگٸنگە دەيٸن قولعا تٷسپەي كەلگەن.
«ٸٸم مولەكۋلالىق-گەنەتيكالىق زەرتحاناسى مەن دنق بازاسىنىڭ جاڭا تەحنولوگييالارى ارقاسىندا سەيكەستٸك انىقتالدى. وسىلايشا, 65 جاستاعى كٷدٸكتٸنٸڭ جەكە باسى بەلگٸلٸ بولدى. ەر ادام ۇستالىپ, يزولياتورعا قامالدى. ول ٶز قىلمىسىن مويىندادى», - دەپ اتاپ ٶتتٸ ٸٸم جەدەل-كريميناليستيكالىق دەپارتامەنتٸنٸڭ ماماندارى.
