8 myń teńge. Ońtústikte aýyl ustazdaryna EKSPO biletin kúshtep alǵyzyp jatyr
"50 muǵalimi bar mektepke EKSPO biletterin ákelipti. 40 dana. "Barǵandaryń jaqsy. Barmai jatsańdar da, bilet alýǵa mindettisińder," depti. Bilet quny 2000-8000 teńge aralyǵynda.
Endi jeńgem: "Soǵan bola myna jaqtaǵy tirlikti tastap barý qaidan, 2 bilet alyp, saǵan berip jibersem bolatyn shyǵar?" deidi.
Ol qalai sonda dep qalǵam. Dál sol aýdanda, biraq, basqa mektepte muǵalim bop isteitin taǵy bir jeńgem de solai deidi. "Alasyńdar, barý/barmaý óz erikterińde," depti. Baǵasy sol - 2000-8000 teńge aralyǵynda. Shoshydym.
"Jalpy Ordabasy aýdanynyń muǵalimderine 2000 bilet bólipti. Al dese, alamyz. Ailyqtan ustaidy ǵoi báribir," deeeep otyr jeńgelerim. Beti ashylmaǵan kúii peshke ketetin gazet-jýrnalyna jazylyp otyrǵandai esh emotsiiasyz aitady ǵoi taǵy.
"Barmasaq, nege alýǵa mindettimiz?" dep suramadyńyzdar ma dedim. Joǵary jaqtyń prikazy eken.
Qyzyǵy, qalanyń mektepterine ondai mindet jetpepti áli", - dep jazǵan bloger.
Ordabasy aýdanyndaǵy mektepterdiń birinde muǵalim bolyp jumys isteitin jeńgeleriniń Facebook jelisine áli kúnge deiin tirkelmegenine qynjylǵan Elvira: "Osyny ózderi FBǵa jazsa, áiteýir bir nátije shyǵarar edik", - deidi.
