"50 ءمۇعالىمى بار مەكتەپكە ەكسپو بيلەتتەرىن اكەلىپتى. 40 دانا. "بارعاندارىڭ جاقسى. بارماي جاتساڭدار دا، بيلەت الۋعا مىندەتتىسىڭدەر،" دەپتى. بيلەت قۇنى 2000-8000 تەڭگە ارالىعىندا.
ەندى جەڭگەم: "سوعان بولا مىنا جاقتاعى تىرلىكتى تاستاپ بارۋ قايدان، 2 بيلەت الىپ، ساعان بەرىپ جىبەرسەم بولاتىن شىعار؟" دەيدى.
ول قالاي سوندا دەپ قالعام. ءدال سول اۋداندا، ءبىراق، باسقا مەكتەپتە ءمۇعالىم بوپ ىستەيتىن تاعى ءبىر جەڭگەم دە سولاي دەيدى. "الاسىڭدار، بارۋ/بارماۋ ءوز ەرىكتەرىڭدە،" دەپتى. باعاسى سول - 2000-8000 تەڭگە ارالىعىندا. شوشىدىم.
"جالپى ورداباسى اۋدانىنىڭ مۇعالىمدەرىنە 2000 بيلەت ءبولىپتى. ال دەسە، الامىز. ايلىقتان ۇستايدى عوي ءبارىبىر،" دەەەەپ وتىر جەڭگەلەرىم. بەتى اشىلماعان كۇيى پەشكە كەتەتىن گازەت-جۋرنالىنا جازىلىپ وتىرعانداي ەش ەموسياسىز ايتادى عوي تاعى.
"بارماساق، نەگە الۋعا مىندەتتىمىز؟" دەپ سۇرامادىڭىزدار ما دەدىم. جوعارى جاقتىڭ پريكازى ەكەن.
قىزىعى، قالانىڭ مەكتەپتەرىنە ونداي مىندەت جەتپەپتى ءالى"، - دەپ جازعان بلوگەر.
ورداباسى اۋدانىنداعى مەكتەپتەردىڭ بىرىندە ءمۇعالىم بولىپ جۇمىس ىستەيتىن جەڭگەلەرىنىڭ Facebook جەلىسىنە ءالى كۇنگە دەيىن تىركەلمەگەنىنە قىنجىلعان ەلۆيرا: "وسىنى وزدەرى فبعا جازسا، ايتەۋىر ءبىر ناتيجە شىعارار ەدىك"، - دەيدى.
