2025 jyldyń qorytyndysy boiynsha Qazaqstanda infliatsiia kórsetkishi 10% shamasynda bolady dep kútiledi. Bul týraly búgin Úkimet otyrysynyń qorytyndysy boiynsha ótken baspasóz máslihatynda Ulttyq ekonomika vitse-ministri Arman Qasenov málimdedi, dep habarlaidy Dalanews.kz.
"Jalpy, infliatsiiaǵa shynymen de oryn bar. Degenmen, infliatsiia trendi teris mánge ie ekenin basa atap ótkim keledi. Eger biz ótken jyldy alyp qarastyrsaq, onda infliatsiia 8,6%, al onyń aldynda shamamen 10% deńgeiinde qalyptasty. Al olarǵa deiin 20% deńgeii degen de bolǵan", - dedi ol.
Jalpy infliatsiia jahandyq sipatqa ie. Kóbinese onda monetarlyq qubylys basym.
"Oǵan Qazaqstanda sońǵy úsh jylda jylyna 30% deńgeiinde qalyptasqan halyqty nesielendirý kóleminiń qarqyny aitarlyqtai dárejede áser etip otyr. Iaǵni, halyqty nesielendirý nominaldy JIÓ-ge qaraǵanda joǵary qarqynmen ósýde. Bul qosymsha suranysty týdyrady. Infliatsiiaǵa qarsy sharalardy Ulttyq banktiń de, Úkimettiń de qyzmeti qamtidy. Sharalar kesheni 100-den astam is-sharalardy qamtidy. Mine, osy keshendi sharalardy sátti júzege asyrý infliatsiianyń tómendeýine ákelip otyr. Iá, jyl qorytyndysy boiynsha, biz infliatsiia shamamen 10%-dy quraidy dep topshylaimyz", - deidi Arman Qasenov.
Aita ketsek, Qazaqstanda aqpan aiynda infliatsiia taǵy údep, jyldyq máni 9,4%-dy quraǵan bolatyn. Buǵan deiin 2025 jyly 18 aqpanda birneshe óńirde benzin baǵasy óskenin jazǵanbyz. Sondai-aq saitymyzda "2024 jyldyń qorytyndysy: Qazaqstan qymbatshylyq jaǵynan EAEO elderinen asyp tústi" degen maqala jariialanǵan.
