2025 جىلدىڭ قورىتىندىسى بويىنشا قازاقستاندا ينفلياتسييا كٶرسەتكٸشٸ 10% شاماسىندا بولادى دەپ كٷتٸلەدٸ. بۇل تۋرالى بٷگٸن ٷكٸمەت وتىرىسىنىڭ قورىتىندىسى بويىنشا ٶتكەن باسپاسٶز مەسليحاتىندا ۇلتتىق ەكونوميكا ۆيتسە-مينيسترٸ ارمان قاسەنوۆ مەلٸمدەدٸ, دەپ حابارلايدى Dalanews.kz.
"جالپى, ينفلياتسيياعا شىنىمەن دە ورىن بار. دەگەنمەن, ينفلياتسييا ترەندٸ تەرٸس مەنگە يە ەكەنٸن باسا اتاپ ٶتكٸم كەلەدٸ. ەگەر بٸز ٶتكەن جىلدى الىپ قاراستىرساق, وندا ينفلياتسييا 8,6%, ال ونىڭ الدىندا شامامەن 10% دەڭگەيٸندە قالىپتاستى. ال ولارعا دەيٸن 20% دەڭگەيٸ دەگەن دە بولعان", - دەدٸ ول.
جالپى ينفلياتسييا جاھاندىق سيپاتقا يە. كٶبٸنەسە وندا مونەتارلىق قۇبىلىس باسىم.
"وعان قازاقستاندا سوڭعى ٷش جىلدا جىلىنا 30% دەڭگەيٸندە قالىپتاسقان حالىقتى نەسيەلەندٸرۋ كٶلەمٸنٸڭ قارقىنى ايتارلىقتاي دەرەجەدە ەسەر ەتٸپ وتىر. ياعني, حالىقتى نەسيەلەندٸرۋ نومينالدى جٸٶ-گە قاراعاندا جوعارى قارقىنمەن ٶسۋدە. بۇل قوسىمشا سۇرانىستى تۋدىرادى. ينفلياتسيياعا قارسى شارالاردى ۇلتتىق بانكتٸڭ دە, ٷكٸمەتتٸڭ دە قىزمەتٸ قامتيدى. شارالار كەشەنٸ 100-دەن استام ٸس-شارالاردى قامتيدى. مٸنە, وسى كەشەندٸ شارالاردى سەتتٸ جٷزەگە اسىرۋ ينفلياتسييانىڭ تٶمەندەۋٸنە ەكەلٸپ وتىر. يە, جىل قورىتىندىسى بويىنشا, بٸز ينفلياتسييا شامامەن 10%-دى قۇرايدى دەپ توپشىلايمىز", - دەيدٸ ارمان قاسەنوۆ.
ايتا كەتسەك, قازاقستاندا اقپان ايىندا ينفلياتسييا تاعى ٷدەپ, جىلدىق مەنٸ 9,4%-دى قۇراعان بولاتىن. بۇعان دەيٸن 2025 جىلى 18 اقپاندا بٸرنەشە ٶڭٸردە بەنزين باعاسى ٶسكەنٸن جازعانبىز. سونداي-اق سايتىمىزدا "2024 جىلدىڭ قورىتىندىسى: قازاقستان قىمباتشىلىق جاعىنان ەاەو ەلدەرٸنەن اسىپ تٷستٸ" دەگەن ماقالا جارييالانعان.
