Memleket basshysy Qasym-Jomart Toqaev búgin, 8 qańtarda QR Básekelestikti qorǵaý jáne damytý agenttiginiń (BQDA) tóraǵasy Marat Omarovty qabyldady. Agenttik tóraǵasy prezident aldyndaǵy esebinde 2025 jylǵa arnalǵan jospardy tanystyrdy, dep jazady Dalanews.kz.
Prezident aldynda Marat Omarov vedomstvonyń baqylaý fýnktsiialaryn oryndaýy jóninde, onyń ishinde byltyr qabyldanǵan monopoliiaǵa qarsy sharalardyń nátijeleri týraly esep berdi. Sondai-aq negizgi taýar naryqtarynda shoǵyrlaný deńgeiin tómendetý jáne "Ekonomikany yryqtandyrý jónindegi sharalar týraly" Jarlyqqa sáikes jekeshelendirý baǵytynda atqarylǵan jumystar jaiynda baiandady. Oǵan sáikes, agenttik monopoliiaǵa qarsy 97 isti tergep-tekserýdi aiaqtady.
Sondai-aq 2025 jylǵa arnalǵan jospar tanystyryldy. Ústimizdegi jyly agenttik monopoliialyq naryqtardaǵy baǵaǵa baqylaýdy kúsheitip, tergep-tekserýler men naryqty taldaýdyń tiimdiligin arttyrý úshin zańnamaǵa tiisti ózgerister ázirleýdi josparlap otyr.
Marat Omarov agenttiktiń tsifrlyq ekojúiesin qurý men damytý josparlanyp otyrǵanyn jetkizdi. Bul jasandy intellekt tehnologiialaryna negizdelgen aqparattyq-saraptamalyq júieni, tsifrlyq portal men taldaý quraldaryn qamtidy.
Qazaqstan fýtbol federatsiiasynyń prezidenti retinde otandyq fýtboldyń áleýetin kóterý jáne elimizdegi balalar men jasóspirimder sportyn qoldaý jospary da tanystyryldy.
Kezdesý sońynda Prezident básekelestikti damytý boiynsha birqatar tapsyrma berdi.
