مەملەكەت باسشىسى قاسىم-جومارت توقاەۆ بٷگٸن, 8 قاڭتاردا قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ (بقدا) تٶراعاسى مارات وماروۆتى قابىلدادى. اگەنتتٸك تٶراعاسى پرەزيدەنت الدىنداعى ەسەبٸندە 2025 جىلعا ارنالعان جوسپاردى تانىستىردى, دەپ جازادى Dalanews.kz.
پرەزيدەنت الدىندا مارات وماروۆ ۆەدومستۆونىڭ باقىلاۋ فۋنكتسييالارىن ورىنداۋى جٶنٸندە, ونىڭ ٸشٸندە بىلتىر قابىلدانعان مونوپوليياعا قارسى شارالاردىڭ نەتيجەلەرٸ تۋرالى ەسەپ بەردٸ. سونداي-اق نەگٸزگٸ تاۋار نارىقتارىندا شوعىرلانۋ دەڭگەيٸن تٶمەندەتۋ جەنە "ەكونوميكانى ىرىقتاندىرۋ جٶنٸندەگٸ شارالار تۋرالى" جارلىققا سەيكەس جەكەشەلەندٸرۋ باعىتىندا اتقارىلعان جۇمىستار جايىندا باياندادى. وعان سەيكەس, اگەنتتٸك مونوپوليياعا قارسى 97 ٸستٸ تەرگەپ-تەكسەرۋدٸ اياقتادى.
سونداي-اق 2025 جىلعا ارنالعان جوسپار تانىستىرىلدى. ٷستٸمٸزدەگٸ جىلى اگەنتتٸك مونوپولييالىق نارىقتارداعى باعاعا باقىلاۋدى كٷشەيتٸپ, تەرگەپ-تەكسەرۋلەر مەن نارىقتى تالداۋدىڭ تيٸمدٸلٸگٸن ارتتىرۋ ٷشٸن زاڭناماعا تيٸستٸ ٶزگەرٸستەر ەزٸرلەۋدٸ جوسپارلاپ وتىر.
مارات وماروۆ اگەنتتٸكتٸڭ تسيفرلىق ەكوجٷيەسٸن قۇرۋ مەن دامىتۋ جوسپارلانىپ وتىرعانىن جەتكٸزدٸ. بۇل جاساندى ينتەللەكت تەحنولوگييالارىنا نەگٸزدەلگەن اقپاراتتىق-ساراپتامالىق جٷيەنٸ, تسيفرلىق پورتال مەن تالداۋ قۇرالدارىن قامتيدى.
قازاقستان فۋتبول فەدەراتسيياسىنىڭ پرەزيدەنتٸ رەتٸندە وتاندىق فۋتبولدىڭ ەلەۋەتٸن كٶتەرۋ جەنە ەلٸمٸزدەگٸ بالالار مەن جاسٶسپٸرٸمدەر سپورتىن قولداۋ جوسپارى دا تانىستىرىلدى.
كەزدەسۋ سوڭىندا پرەزيدەنت بەسەكەلەستٸكتٸ دامىتۋ بويىنشا بٸرقاتار تاپسىرما بەردٸ.
