Qaraǵandy oblysynda iri sıntetıkalyq esirtki óndirisi toqtatyldy, 4 tonna prekýrsor tárkilendi, dep habarlaıdy Dalanews.kz.

4 qańtarda Qaraǵandy oblysynda esirtki qylmysyna qarsy is-qımyl komıtetiniń qyzmetkerleri 33 jastaǵy kúdiktini ustady.

Ol jeke úıde sıntetıkalyq esirtki óndirisin uıymdastyrǵan. Tintý barysynda oqıǵa ornynan 20 keli mefedron, jarty tonnaǵa jýyq daıyn krıstaldy ónim, konstrýktorlar men hımıalyq reagentter salynǵan kanıstrler, sondaı-aq, esirtki óndirisinde qoldanylatyn shamamen 4 tonna prekýrsor tárkilengen.

"1,5 mıllıon bir rettik dozanyń zańsyz aınalymǵa túsýine jol berilmedi, ıaǵnı júzdegen adam qutqaryldy. Esirtki óndirisin uıymdastyrý deregi boıynsha sotqa deıingi tergep-tekserý bastaldy. Uıymdastyrýshy ómir boıyna bas bostandyǵynan aırylýy múmkin", - dedi İİM ókili.