قاراعاندى وبلىسىندا ٸرٸ سينتەتيكالىق ەسٸرتكٸ ٶندٸرٸسٸ توقتاتىلدى, 4 توننا پرەكۋرسور تەركٸلەندٸ, دەپ حابارلايدى Dalanews.kz.
4 قاڭتاردا قاراعاندى وبلىسىندا ەسٸرتكٸ قىلمىسىنا قارسى ٸس-قيمىل كوميتەتٸنٸڭ قىزمەتكەرلەرٸ 33 جاستاعى كٷدٸكتٸنٸ ۇستادى.
ول جەكە ٷيدە سينتەتيكالىق ەسٸرتكٸ ٶندٸرٸسٸن ۇيىمداستىرعان. تٸنتۋ بارىسىندا وقيعا ورنىنان 20 كەلٸ مەفەدرون, جارتى تونناعا جۋىق دايىن كريستالدى ٶنٸم, كونسترۋكتورلار مەن حيمييالىق رەاگەنتتەر سالىنعان كانيسترلەر, سونداي-اق, ەسٸرتكٸ ٶندٸرٸسٸندە قولدانىلاتىن شامامەن 4 توننا پرەكۋرسور تەركٸلەنگەن.
"1,5 ميلليون بٸر رەتتٸك دوزانىڭ زاڭسىز اينالىمعا تٷسۋٸنە جول بەرٸلمەدٸ, ياعني جٷزدەگەن ادام قۇتقارىلدى. ەسٸرتكٸ ٶندٸرٸسٸن ۇيىمداستىرۋ دەرەگٸ بويىنشا سوتقا دەيٸنگٸ تەرگەپ-تەكسەرۋ باستالدى. ۇيىمداستىرۋشى ٶمٸر بويىنا باس بوستاندىعىنان ايرىلۋى مٷمكٸن", - دەدٸ ٸٸم ٶكٸلٸ.
