Qazylar Murtazáli Medjıdov Máskeý memlekettik halyqaralyq qatynastar ınstıtýtynyń stýdenti ári qurbysy Tomırıs Baısafany aýdıtorıa terezesinen qasaqana qulatty degen sheshimge keldi.
Kúdikti Tomırıs Baısafanyń ózi terezeden abaısyzda qulaǵanyn aıtyp aqtalyp kelgen edi. Degenmen, kóptegen saraptamalar men kýágerlerdiń aıǵaqtary onyń sózderin joqqa shyǵardy.
Iaǵnı, jigittiń stýdent qyzdy terezeden ádeıi ıterip jibergeni belgili boldy. Alaıda, birinshi úkim kúdiktiniń paıdasyna sheshilip, ol kinásiz dep tanylǵan edi. Marqumnyń anasy Janna Ahmetova tergeýdiń ádil júrgizilýin talap etkennen keıin prokýratýra sottyń bul sheshimine shaǵym túsiredi.
Endi Izmaılov sotynda qazylar alqasy jigitti qyzdyń ólimine kináli degen sheshim shyǵardy. Sóıtip, jas jigit qazaqstandyq stýdentti oqý ornynyń aýdıtorıasynda qasaqana óltirdi dep aıyptaldy. Murtazáli Medjıdov 13 jyl ómirin temir tordyń ar jaǵynda ótkizedi.
Eske salsaq, 2018 jyldyń sáýir aıynda qazaqstandyq stýdent qyz Tomırıs Baısafanyń Máskeý memlekettik halyqaralyq qatynastar ınstıtýtynyń terezesinen qulap ketkeni habarlandy. Keıin ol 3 mamyrda aýrýhanada kóz jumdy.
