قازىلار مۇرتازەلٸ مەدجيدوۆ مەسكەۋ مەملەكەتتٸك حالىقارالىق قاتىناستار ينستيتۋتىنىڭ ستۋدەنتٸ ەرٸ قۇربىسى توميريس بايسافانى اۋديتورييا تەرەزەسٸنەن قاساقانا قۇلاتتى دەگەن شەشٸمگە كەلدٸ.
كٷدٸكتٸ توميريس بايسافانىڭ ٶزٸ تەرەزەدەن ابايسىزدا قۇلاعانىن ايتىپ اقتالىپ كەلگەن ەدٸ. دەگەنمەن, كٶپتەگەن ساراپتامالار مەن كۋەگەرلەردٸڭ ايعاقتارى ونىڭ سٶزدەرٸن جوققا شىعاردى.
ياعني, جٸگٸتتٸڭ ستۋدەنت قىزدى تەرەزەدەن ەدەيٸ يتەرٸپ جٸبەرگەنٸ بەلگٸلٸ بولدى. الايدا, بٸرٸنشٸ ٷكٸم كٷدٸكتٸنٸڭ پايداسىنا شەشٸلٸپ, ول كٸنەسٸز دەپ تانىلعان ەدٸ. مارقۇمنىڭ اناسى جاننا احمەتوۆا تەرگەۋدٸڭ ەدٸل جٷرگٸزٸلۋٸن تالاپ ەتكەننەن كەيٸن پروكۋراتۋرا سوتتىڭ بۇل شەشٸمٸنە شاعىم تٷسٸرەدٸ.
ەندٸ يزمايلوۆ سوتىندا قازىلار القاسى جٸگٸتتٸ قىزدىڭ ٶلٸمٸنە كٸنەلٸ دەگەن شەشٸم شىعاردى. سٶيتٸپ, جاس جٸگٸت قازاقستاندىق ستۋدەنتتٸ وقۋ ورنىنىڭ اۋديتوريياسىندا قاساقانا ٶلتٸردٸ دەپ ايىپتالدى. مۇرتازەلٸ مەدجيدوۆ 13 جىل ٶمٸرٸن تەمٸر توردىڭ ار جاعىندا ٶتكٸزەدٸ.
ەسكە سالساق, 2018 جىلدىڭ سەۋٸر ايىندا قازاقستاندىق ستۋدەنت قىز توميريس بايسافانىڭ مەسكەۋ مەملەكەتتٸك حالىقارالىق قاتىناستار ينستيتۋتىنىڭ تەرەزەسٸنەن قۇلاپ كەتكەنٸ حابارلاندى. كەيٸن ول 3 مامىردا اۋرۋحانادا كٶز جۇمدى.
