Kýrorttyq aimaqtarǵa Almaty, Astana jáne basqa da iri qalalardan tikelei reister uiymdastyrylady. Sondai-aq Qazaqstannyń úsh kýrorttyq aimaǵynda áýejailar salynady. Bul týraly búgin, 2025 jyly 19 aqpanda kólik vitse-ministri Talǵat Lastaev málimdedi, dep jazady Dalanews.kz.
Vitse-ministrdiń aitýynsha, úsh áýejaidyń ushý-qoný jolaǵynyń ólshemi - 2200h35 m2. Jobalardyń quny 117,7 mlrd teńgeni quraidy.
"Memleket basshysynyń tapsyrmasy boiynsha Katonqaraǵai, Zaisan jáne Kendirli kýrorttyq aimaqtarynda shaǵyn óńirlik aviatsiianyń jańa áýejailary tipindegi jobalar iske asyrylýda. Qazirgi ýaqytta qurylysty bastaý úshin barlyq qajetti daiyndyq is–sharalary júrgizilýde",- dedi vitse-ministr.
Bul rete 74 oryndy qamtityn ATR-72, Q-400 Bombardier siiaqty óńirlerge ushýǵa arnalǵan ushaqtardy paidalaný josparlanyp otyr. Úsh ushaq ónerkásipti damytý qory arqyly satyp alynady. Kýrorttyq aimaqtarǵa Almaty, Astana jáne basqa da iri qalalardan tikelei reister uiymdastyrylady.
Sonymen qatar memleket jyl saiyn 26 áleýmettik mańyzy bar áýe baǵytyn sýbsidiialaidy. Olardyń ishinde Úsharal, Úrjar, Túrkistan, Aqtaý jáne basqa da tanymal týristik qalalarǵa baǵyttar bar. Ótken jyly Úsharal, Úrjar jáne Balqash qalalaryndaǵy shaǵyn aviatsiia terminaldary men áýeailaqtaryn jóndeý jumystary aiaqtaldy.
Jerústi infraqurylymyn jaqsartý úshin 2024 jyly 10 áýejaida qurylys jáne jóndeý jumystary júrgizildi, 350 mlrd teńge jeke investitsiia esebinen Almaty, Shymkent jáne Qyzylordadaǵy jolaýshylar terminaldary jańǵyrtyldy, bul olardyń ótkizý múmkindigin 6,5 esege arttyrdy. Aqtaý jáne Pavlodar áýejailarynda ushý-qoný jolaqtaryn kúrdeli jóndeý biyl aiaqtalady.
Aviahabtardy damytý jáne júk aǵynyn arttyrý úshin 6 negizgi áýejai anyqtaldy. Olardy jańǵyrtý aiasynda 2,1 mlrd dollar kóleminde jeke investitsiia tartý josparlanýda.
Sonymen qatar tasymaldaýdy turaqtandyrý úshin aviaotynnyń jetkilikti qoryn qamtamasyz etý mańyzdy. Aviaotyn qunyn tómendetý, óndiristi ulǵaitý jáne jetkizilimdegi deldaldardy joiý úshin BQDA jáne Energetika ministrligimen jumys júrgizilýde.
2025 jyly 16 jańa halyqaralyq baǵyt josparlanǵan. Azamattyq aviatsiia akademiiasy jyl sońyna deiin qazaqstandyq ushqyshtar men injenerlerdi daiarlaý úshin Eýropalyq aviatsiialyq qaýipsizdik agenttiginiń sertifikatyn alýdy josparlap otyr. Jyl saiyn salaǵa 500-600 jańa maman qajet, qazir Qazaqstannyń azamattyq aviatsiiasynda 23 myń adam jumys isteidi.
