АҚШ президенті Дональд Трамп ел аумағында дүниеге келген адамдарға автоматты түрде азаматтық беру тәжірибесін тоқтатуды көздейтінін мәлімдеді, деп хабарлайды dalanews.kz.
Ақ үйдегі Доғал кабинетте сөйлеген сөзінде Трамп АҚШ-тағы туу арқылы азаматтық алу жүйесін қайта қарау қажет екенін айтты.
«Менің білуімше, туу арқылы азаматтық беретін әлемдегі жалғыз ел – АҚШ. Біз бұған нүкте қоямыз», – деді президент.
Айта кетейік, бұған дейін Трамп туу құқығы негізінде азаматтық алуды шектеуге бағытталған бірнеше жарлыққа қол қойған болатын.
Ақ үй әкімшілігінің өкілі Стивен Миллердің сөзінше, құжаттардың бірі «босану туризмімен» күресуге бағытталған. Бұл тәжірибе бойынша шетел азаматтары АҚШ-та босанып, баласына америкалық азаматтық алу үшін елге арнайы келеді.
Жаңа бастамалар дәл осындай жағдайлардың алдын алуға және туу арқылы азаматтық алу мүмкіндігін шектеуге бағытталған.
