اقش پرەزيدەنتٸ دونالد ترامپ ەل اۋماعىندا دٷنيەگە كەلگەن ادامدارعا اۆتوماتتى تٷردە ازاماتتىق بەرۋ تەجٸريبەسٸن توقتاتۋدى كٶزدەيتٸنٸن مەلٸمدەدٸ, دەپ حابارلايدى dalanews.kz.
اق ٷيدەگٸ دوعال كابينەتتە سٶيلەگەن سٶزٸندە ترامپ اقش-تاعى تۋۋ ارقىلى ازاماتتىق الۋ جٷيەسٸن قايتا قاراۋ قاجەت ەكەنٸن ايتتى.
«مەنٸڭ بٸلۋٸمشە, تۋۋ ارقىلى ازاماتتىق بەرەتٸن ەلەمدەگٸ جالعىز ەل – اقش. بٸز بۇعان نٷكتە قويامىز», – دەدٸ پرەزيدەنت.
ايتا كەتەيٸك, بۇعان دەيٸن ترامپ تۋۋ قۇقىعى نەگٸزٸندە ازاماتتىق الۋدى شەكتەۋگە باعىتتالعان بٸرنەشە جارلىققا قول قويعان بولاتىن.
اق ٷي ەكٸمشٸلٸگٸنٸڭ ٶكٸلٸ ستيۆەن ميللەردٸڭ سٶزٸنشە, قۇجاتتاردىڭ بٸرٸ «بوسانۋ تۋريزمٸمەن» كٷرەسۋگە باعىتتالعان. بۇل تەجٸريبە بويىنشا شەتەل ازاماتتارى اقش-تا بوسانىپ, بالاسىنا امەريكالىق ازاماتتىق الۋ ٷشٸن ەلگە ارنايى كەلەدٸ.
جاڭا باستامالار دەل وسىنداي جاعدايلاردىڭ الدىن الۋعا جەنە تۋۋ ارقىلى ازاماتتىق الۋ مٷمكٸندٸگٸن شەكتەۋگە باعىتتالعان.
