AQSh prezidenti Donald Tramp el aýmaǵynda dúniege kelgen adamdarǵa avtomatty túrde azamattyq berý tájiribesin toqtatýdy kózdeitinin málimdedi, dep habarlaidy dalanews.kz.
Aq úidegi Doǵal kabinette sóilegen sózinde Tramp AQSh-taǵy týý arqyly azamattyq alý júiesin qaita qaraý qajet ekenin aitty.
«Meniń bilýimshe, týý arqyly azamattyq beretin álemdegi jalǵyz el – AQSh. Biz buǵan núkte qoiamyz», – dedi prezident.
Aita keteiik, buǵan deiin Tramp týý quqyǵy negizinde azamattyq alýdy shekteýge baǵyttalǵan birneshe jarlyqqa qol qoiǵan bolatyn.
Aq úi ákimshiliginiń ókili Stiven Millerdiń sózinshe, qujattardyń biri «bosaný týrizmimen» kúresýge baǵyttalǵan. Bul tájiribe boiynsha shetel azamattary AQSh-ta bosanyp, balasyna amerikalyq azamattyq alý úshin elge arnaiy keledi.
Jańa bastamalar dál osyndai jaǵdailardyń aldyn alýǵa jáne týý arqyly azamattyq alý múmkindigin shekteýge baǵyttalǵan.
