Қазақстанда шаштараз қызметтері қымбаттады. Ұлттық статистика бюросының мәліметінше, бір жыл ішінде олардың бағасы бірден 15,5 пайызға өскен, деп хабарлайды Dalanews.kz.
Шаш қию мен сәндеу қызметіне сұраныс артып келеді. Тек жарты жылда сұлулық салондарының клиенттері шамамен 57 миллиард теңге жұмсаған. Бұл өткен жылмен салыстырғанда 73 пайызға жуық көп.
Ең қымбат сәндеу қызметі Алматы тұрғындарына түседі – бір процедураның орташа құны шамамен жеті мың теңге. Одан кейін Астана мен Ақтаудың салондарында шеберлер бес мың теңге көлемінде сұрайды. Әйелдер үшін ең қолжетімді бағалар Түркістан мен Семейде. Бұл қалаларда шаш қиюдың құны шамамен 2700 теңге.
Ерлер үшін баға әлдеқайда қолайлы. Ең қымбат шаштараздар Алматы мен Қарағандыда жұмыс істейді – мұнда бір процедура төрт мың теңге шамасында. Ал Ақтөбе мен Қызылордада шаш қию одан да арзан – шамамен екі мың теңге.
