Qazaqstanda shashtaraz qyzmetteri qymbattady. Ulttyq statistika biýrosynyń málimetinshe, bir jyl ishinde olardyń baǵasy birden 15,5 paiyzǵa ósken, dep habarlaidy Dalanews.kz.
Shash qiiý men sándeý qyzmetine suranys artyp keledi. Tek jarty jylda sulýlyq salondarynyń klientteri shamamen 57 milliard teńge jumsaǵan. Bul ótken jylmen salystyrǵanda 73 paiyzǵa jýyq kóp.
Eń qymbat sándeý qyzmeti Almaty turǵyndaryna túsedi – bir protsedýranyń ortasha quny shamamen jeti myń teńge. Odan keiin Astana men Aqtaýdyń salondarynda sheberler bes myń teńge kóleminde suraidy. Áielder úshin eń qoljetimdi baǵalar Túrkistan men Semeide. Bul qalalarda shash qiiýdyń quny shamamen 2700 teńge.
Erler úshin baǵa áldeqaida qolaily. Eń qymbat shashtarazdar Almaty men Qaraǵandyda jumys isteidi – munda bir protsedýra tórt myń teńge shamasynda. Al Aqtóbe men Qyzylordada shash qiiý odan da arzan – shamamen eki myń teńge.
