قازاقستاندا شاشتاراز قىزمەتتەرٸ قىمباتتادى. ۇلتتىق ستاتيستيكا بيۋروسىنىڭ مەلٸمەتٸنشە, بٸر جىل ٸشٸندە ولاردىڭ باعاسى بٸردەن 15,5 پايىزعا ٶسكەن, دەپ حابارلايدى Dalanews.kz.
شاش قييۋ مەن سەندەۋ قىزمەتٸنە سۇرانىس ارتىپ كەلەدٸ. تەك جارتى جىلدا سۇلۋلىق سالوندارىنىڭ كليەنتتەرٸ شامامەن 57 ميلليارد تەڭگە جۇمساعان. بۇل ٶتكەن جىلمەن سالىستىرعاندا 73 پايىزعا جۋىق كٶپ.
ەڭ قىمبات سەندەۋ قىزمەتٸ الماتى تۇرعىندارىنا تٷسەدٸ – بٸر پروتسەدۋرانىڭ ورتاشا قۇنى شامامەن جەتٸ مىڭ تەڭگە. ودان كەيٸن استانا مەن اقتاۋدىڭ سالوندارىندا شەبەرلەر بەس مىڭ تەڭگە كٶلەمٸندە سۇرايدى. ەيەلدەر ٷشٸن ەڭ قولجەتٸمدٸ باعالار تٷركٸستان مەن سەمەيدە. بۇل قالالاردا شاش قييۋدىڭ قۇنى شامامەن 2700 تەڭگە.
ەرلەر ٷشٸن باعا ەلدەقايدا قولايلى. ەڭ قىمبات شاشتارازدار الماتى مەن قاراعاندىدا جۇمىس ٸستەيدٸ – مۇندا بٸر پروتسەدۋرا تٶرت مىڭ تەڭگە شاماسىندا. ال اقتٶبە مەن قىزىلوردادا شاش قييۋ ودان دا ارزان – شامامەن ەكٸ مىڭ تەڭگە.
