ۋكراينا پرەزيدەنتٸ ۆلاديمير زەلەنسكيي درون شابۋىلدارىنىڭ جيٸلەۋٸنە بايلانىستى رەسەيدٸڭ ەۋە كەڭٸستٸگٸ ازاماتتىق ۇشاقتار ٷشٸن قاۋٸپتٸ بولا باستاعانىن مەلٸمدەدٸ. ول حالىقارالىق ەۋە كومپانييالارى مەن ساقتاندىرۋ ۇيىمدارىن وسى جاعدايدى ەسكەرۋگە شاقىردى, دەپ حابارلايدى dalanews.kz.
"رەسەي ەۋە كەڭٸستٸگٸن پايدالاناتىن بارلىق ەۋە كومپانيياسىنا, ساقتاندىرۋ ۇيىمدارىنا جەنە رەسەيدٸڭ نەگٸزگٸ ەۋەجايلارىنا رەيس ورىندايتىن تاسىمالداۋشىلارعا ەسكەرتۋ جاساعىمىز كەلەدٸ. رەسەي اسپانى قاۋٸپسٸز بولماي بارادى. ونىڭ ٷستٸندە دروندار ۇشادى, سوندىقتان مۇنى ەسكەرۋ قاجەت", – دەدٸ زەلەنسكيي ٷندەۋٸندە.
ۋكراينا پرەزيدەنتٸنٸڭ ايتۋىنشا, رەسەي بيلٸگٸ ەۋە كەڭٸستٸگٸندەگٸ قاۋٸپ تۋرالى تولىق مەلٸمەت بەرمەگەن. الايدا درون شابۋىلدارى جالعاسا بەرسە, ەلدٸڭ اسپانى ازاماتتىق رەيستەر ٷشٸن ٸس جٷزٸندە بٸرتٸندەپ جابىلۋى مٷمكٸن.
زەلەنسكيي ۋكراينانىڭ ازاماتتىق ۇشاقتارعا قاساقانا قاۋٸپ تٶندٸرمەيتٸنٸن دە اتاپ ٶتتٸ.
"بٸز جازىقسىز ادامداردىڭ قازا بولعانىن قالامايمىز. سوندىقتان سەرٸكتەستەرٸمٸزگە الدىن الا ەسكەرتٸپ وتىرمىز", – دەدٸ ول.
ونىڭ سٶزٸنشە, بۇل اقپارات رەسەيدٸڭ مەسكەۋ, سانكت-پەتەربۋرگ جەنە باسقا دا ٸرٸ قالالارىنا ۇشاتىن حالىقارالىق ەۋە كومپانييالارىنا, سونداي-اق شەتەلدٸك ديپلوماتتارعا جەتكٸزٸلۋگە تيٸس. ۋكراينا سىرتقى ٸستەر مينيسترلٸگٸ مەن تيٸستٸ مەكەمەلەر حالىقارالىق ۇيىمدارعا قاجەتتٸ مەلٸمەتتەردٸ ۇسىنباق.
"دروندار ۇشىپ جٷرگەن ەۋە كەڭٸستٸگٸندە ازاماتتىق اۆياتسييا بولماۋى كەرەك", – دەپ قورىتىندىلادى زەلەنسكيي.
