– بۇل ەندٸ قاتە تٷسٸنٸك. دجاز – ول حوببيدان باسقا ەش نەرسە ەمەس. بٸراق, شىنىمەن دە بٸرنەشە جىل بويى ون ساعاتتان دجاز مۋزىكاسىن تىڭداعان كەزدەرٸم بولدى. سوندىقتان بۇل مۋزىكا مەنٸ ٶزٸنٸڭ ريتمٸمەن, ٷنٸمەن, ستيلٸمەن ٶز تەرەڭٸنە تارتىپ كەلدٸ. مەنٸ شىعارماشىلىققا دجاز-كلۋب اشۋىم الىپ كەلدٸ دەسەم بولادى. بٸر جولى كلۋبتىڭ ٸشٸندە قارا نەسٸلدٸ امەريكالىق ەسكەرلەردٸڭ تۋعان جەرلەرٸن ەسكە الىپ, جىلاپ وتىرعاندارى تاڭعالدىردى. دەل وسى سەتكە دەيٸن مەن باتىس مەدەنيەتٸنە بارىنشا قۇمار ەدٸم. بۇل ون-ون ەكٸ جاسىمنان باستالعان قىزىعۋشىلىق ەدٸ. سول بٸر قارا نەسٸلدٸ امەريكالىق ەسكەرلەردٸڭ جىلاعانىن كٶرگەن كەزدە, باتىس مەدەنيەتٸن قانشا جەردەن سٷيسەم دە, بۇل مەدەنيەت ماعان قاراعاندا ساربازدار ٷشٸن ەلدەقايدا ماڭىزدى ەكەنٸن تٷسٸندٸم. تەك دجاز عانا ەمەس, ەلۆيس (1935-1977. روك-ن-رول كورولٸ اتانعان) پەن ۆوننەگۋتكە دە (1922-2007. امەريكالىق مودەرنيست جازۋشى) قاتتى قىزىققانمىن. مەنٸڭشە, بۇل شىعارماشىلىق ەكەمە دەگەن قارسىلىقتان (ول جاپون ەدەبيەتٸ وقىتۋشىسى بولعان) جەنە باسقاشا جاپوندىق كٶزقاراستان تۋعان بولۋى مٷمكٸن. ون التى جاسىمدا جاپون ەدەبيەتٸن وقۋدى توقتاتىپ, جاپون تٸلٸنە اۋدارىلعان فرانتسۋز, ورىس جازۋشىلارىنان دوستوەۆسكييدٸ, ستەندالدى, بالزاكتٸ وقي باستادىم. كەيٸن اعىلشىن تٸلٸن مەڭگەرٸپ, قارا بازارداعى كٸتاپ ساتۋشىلاردىڭ كٶمەگٸمەن امەريكا جازۋشىلارىن وقىدىم. امەريكا روماندارى مەنٸ جالعىزدىقتان قۇتقارىپ, باسقا بٸر ەلەمگە جەتەلەدٸ. باسىندا مەن ٶزٸمدٸ مارستا جٷرگەندەي سەزٸندٸم, كەيٸندەپ بٸرتە-بٸرتە ٶزٸمدٸ جايلى سەزٸنە باستادىم. مٸنە, مەنٸڭ جازا باستاعان سەبەبٸم وسى.
– امەريكالىق پوستمودەرنيست جازۋشىلار توماس پينچون (1937), تاعى باسقالارىنىڭ دجازدىڭ ەسەرٸنە ۇشىراعانى بايقالادى. سونىڭ ٸشٸندە يمپروۆيزاتسييانىڭ ەسەرٸ باسىم. سٸز ٶز شىعارماڭىزدى يمپروۆيزوم دەپ ەسەپتەيسٸز بە?
– مەن ٷشٸن يمپروۆيزومعا قاراعاندا ريتم ماڭىزدى. شىعارما جازعان كەزدە الدىمەن ريتم جايلى ويلايمىن.
– «نورۆەگييا ورمانى» رومانىڭىز باس كەيٸپكەردٸڭ ۇشاقتا وتىرعانىنان باستالادى. نەگٸزگٸ وقيعا كەيٸپكەردٸڭ كٶكجيەكتە, ٶتكەندٸ ەسكە الۋى ارقىلى باياندالادى. ياعني, دەل وسى كٶرٸنٸس وقيعانىڭ باستالۋى ەمەس قوي?
– يە, شىعارمانى ۇشاقتاعى كٶرٸنٸستەن باستامادىم, تٷندە جارىق شاشاتىن قوڭىز تۋرالى ەسكٸ وقيعادان باستادىم. «نورۆەگييا ورمانىن» وسى قىسقا وقيعانىڭ جالعاسى رەتٸندە جازىپ شىقتىم. ول ماعان شىعارماداعى كەيٸپكەردٸڭ ٶمٸرٸ نە بولاتىنىن بٸلۋگە مٷمكٸندٸك بەردٸ. ولاردىڭ ٷشەۋٸ ٶلەدٸ, ٷشەۋٸ تٸرٸ قالادى. بٸراق, قايسىسىنىڭ ٶلٸپ, قايسىسىنىڭ تٸرٸ قالاتىنىن جازىپ جاتقاندا بٸلمەدٸم. مەنٸڭ باستى لەززاتىم – جازۋ جەنە جازىپ جاتقاندا كەلەسٸ جول نە بولارىن بٸلۋگە ۇمتىلۋ. بۇل بولماسا, شىعارماشىلىق لەززاتتا ەشقانداي مەن بولماس ەدٸ.
– سٸزدٸڭ بٸرنەشە رومانىڭىز وسىنداي قىسقا ەڭگٸمەنٸڭ جٷلگەسٸنەن شىعىپتى. سٸز وسى قىسقا ەڭگٸمەلەردٸ جازىپ بولعان كەزدە بٸر نەرسە جەتپەي تۇرعانداي بولىپ, قايتا جازۋعا يتەرمەلەي مە? جوق, ەلدە, بٸراز ۋاقىت ٶتكەسٸن قايتا قاراپ: «جارايدى, كەلەسٸ شىعارماعا پايدالانارمىن» دەگەن كەزدەرٸڭٸز بولدى ما?
– قايسى بٸر جازعان ەڭگٸمەمنٸڭ اياقتالماعانىن بايقاۋ ٷشٸن ماعان تٶرت-بەس جىل كەرەك. كەيدە التى-جەتٸ جىل كەتەدٸ. بۇنداي شىعارمالارىمنىڭ اياقتالماعانىن بايقاعان كەزدە قايتادان باسقا نۇسقادا جازىپ شىعامىن. بارلىق روماندارىم قىسقا ەڭگٸمەلەردەن تۋعان جوق. مىسالى, «قوي اۋلاۋ» (وحوتا نا وۆەتس) رومانىن قالاي رومان رەتٸندە ويلادىم, سولاي قاعازعا تٷسٸردٸم.
– بٸراق, بٸرنەشە جىل ٶتكەن سوڭ سٸز وسى روماننىڭ جالعاسى «دەنس, دەنس, دەنس» رومانىن جازدىڭىز. «قوي اۋلاۋدى» جازىپ بولعاندا, بۇنىڭ جالعاسى بار ەكەنٸن بٸلدٸڭٸز بە, ەلدە تولىق اياقتالدى دەپ ويلادىڭىز با?
– بۇل روماندى جازىپ بٸتكەندە مەندە ونداي وي بولعان جوق, بەرٸ اياقتالعانداي بولدى. ارادا بەس-التى جىل ٶتكەن سوڭ بارىپ «باس كەيٸپكەرٸمنٸڭ جاعدايى نە بولىپ جاتىر ەكەن» دەگەن وي كەلدٸ. ول كەيٸپكەردٸڭ مەن ٷشٸن ماڭىزدى تۇلعا ەكەنٸن تٷسٸندٸم. سوسىن ونىڭ جان ەلەمٸن اشا تٷسۋ ٷشٸن «دەنستٸ» جازۋدى باستادىم.
– «شەكسٸز تاڭعاجايىپتار قالاسى مەن زاماناقىر» رومانىڭىز ٶتە قىزىقتى, دەتەكتيۆتەگٸ «حاردبويلد» ستيلٸن قولدانعان سياقتىسىز. بۇل ستيل سٸزدٸ نەسٸمەن قىزىقتىردى?
– دۇرىس ايتاسىڭ. شىن مەنٸندە شىتىرمان وقيعالى دەتەكتيۆ جازۋ ماعان قىزىق ەمەس, تەك وسى تەسٸلدٸ پايدالانىپ كٶرگٸم كەلدٸ. مەن ٷنەمٸ جازۋدىڭ باسقا دا تەسٸلدەرٸن پايدالانامىن. ايتالىق, عىلىمي فانتاستيكا, لاۆ-ستوري نەمەسە رومانس. دەتەكتيۆ ستيلٸندەگٸ «حاردبويلد» باس كەيٸپكەرلەرٸنٸڭ قاشاندا ٶمٸردەن «الشاق» ينديۆيدۋاليست بولعانىمەن قىزىقتىرادى. بەرٸ – جالعىز بٶرٸ سەكٸلدٸ. مەن ٷشٸن بۇل ٶتە قىزىق, سەبەبٸ ينديۆيدۋاليست پەن جالعىزدارعا جاپونييادا ٶمٸر سٷرۋ وڭاي ەمەس. ماعان ٷنەمٸ وسى تاقىرىپتا ويلاۋعا تۋرا كەلەدٸ. ٶيتكەنٸ مەن جازۋشىمىن, مەن جالعىزبىن جەنە ينديۆيدۋاليسپٸن. مٷمكٸن, مەنٸڭ «حاردبويلدتىڭ» قۇرىلىسى مەن ميستيكالىق شىم-شىتىرىق سيۋجەتٸنە قىزىققانىم امەريكانى ارمانداۋىما سەبەپ بولدى.
– روماندارىڭىزدىڭ بارلىعى بٸرٸنشٸ جاقپەن جازىلىپتى. باسقالاي جازىپ كٶرگەن كەزٸڭٸز بولدى ما?
– جاقىنعى كەزدەرٸ ٷشٸنشٸ جاقپەن جازىپ كٶرمەك بولدىم, بٸراق ەش نەتيجە شىقپادى.
– قىزىق ەكەن, سوندا ولاي جازۋعا نە كەدەرگٸ?
– ٷشٸنشٸ جاقپەن جازعان كەزدە ٶزٸمدٸ قۇداي سيياقتى سەزٸندٸم. مەنٸڭ قۇداي بولعىم كەلمەيدٸ. ەلەمدەگٸ بارلىق نەرسەنٸ تولىق بٸلە المايمىن, ەلەمدەگٸ بارلىق زاتتار تۋرالى جازا دا المايمىن. مەن – جاي عانا مەنمٸن. «مەن» قالاي جازسا, مەندە سولاي جازعىم كەلەدٸ. ٶزٸمدٸ باس كەيٸپكەرٸم ورنىندا سەزٸنبەيمٸن, بٸراق ولاردىڭ نە ويلايتىنىن, نەدەن ۋايىمدايتىنىن بولجاپ بٸلەمٸن. شىعارماشىلىق ماعان بەيسانادا ساپار شەگۋگە مٷمكٸندٸك بەردٸ. وسى ساپاردى وقيعا قۇراستىرۋعا پايدالانامىن. مەن ٷشٸن جاقسى وقيعانى بايانداۋ – كٶشەدە سەرۋەندەگەنمەن بٸردەي. مەن بۇل كٶشەنٸ ۇناتامىن. بۇل كٶشەنٸ قىدىرعان كەزدە بەرٸن بايقايمىن, ەستيمٸن, ونىڭ يٸسٸن يٸسكەيمٸن. سول سەتتە ەلەم باسقا تٷرگە ەنەدٸ. تٷس تە, ٷن دە, سەزٸم دە جاڭارادى. مٸنە, مەن ٷشٸن شىعارماشىلىقتىڭ نە ەكەنٸن قاراڭىز. قىرىق التى جاسقا كەلٸپ قويعان ەيەلٸ بار ەركەكپٸن, بٸراق جازعان كەزدە جيىرما بەس جاستاعى بويداق جٸگٸتكە اينالامىن. بٸرەۋدٸڭ تەرٸسٸن جامىلىپ ٶمٸر سٷرٸپ, جازامىن. سٶيتٸپ, شىعارماشىلىق سەنٸڭ ەكٸنشٸ «مەنٸڭدٸ» پايدا قىلادى.
– امەريكا مەن جاپونييادا كەيبٸر سىنشىلار سٸزدٸ جاپوندىق ەدەبيەتكە جاتقىزبايدى.
– بۇل ٶتە ٷستٸرت ويلاۋدان كەلٸپ شىققان. مەن ٶزٸمدٸ جاپون جازۋشىسىمىن دەپ ەسەپتەيمٸن. ەرينە, ەرتٷرلٸ ستيلدەردٸ, ەرتٷرلٸ ماتەريالداردى قولدانعان شىعارمىن, بٸراق مەن جاپونشا جازامىن, جاپوندار ٷشٸن جازامىن, جاپون قوعامىن جازامىن. مەنٸ بٸرەۋلەر باتىستان نەر العان دەپ مٸنەپ جاتادى, ولار قاتەلەسەدٸ. يە, مەن باسىندا «حالىقارالىق» جازۋشى بولعىم كەلدٸ. ۋاقىت ٶتە كەلە ٶزٸمنٸڭ جاپون جاندى جازۋشى ەكەنٸمدٸ, باسقا ەشكٸم بولا الماسىمدى سەزٸندٸم. شىعارماشىلىققا كەلگەن كەزٸمدە مەن باتىستىق ستيلدٸ كٶشٸرٸپ پايدالانۋدى قالامادىم, قايتا جاپون ەدەبيەتٸن سىرتىنان ەمەس, ٶز ٸشٸنەن ٶزگەرتۋگە تالپىندىم, ەرٸ وسى ٷشٸن ٶز جولىمدى ويلاپ تاپتىم.
جاپون جازۋشىلارى سىرتقى سۇلۋلىقتى ۇناتادى, سەزٸمتالدىقتى مەتٸننٸڭ ٸشكٸ قۋاتىنان جوعارى قويادى. بۇل كٶركەمدٸك ٶزدەرٸنە ەدەمٸ كٶرٸنەدٸ, سوسىن قارا باستىڭ قامى بولىپ قالا بەرەدٸ, سوندىقتان ولاردىڭ سەزٸمدەرٸ قابىلداۋعا كەلمەيتٸن قاتىپ قالعان تەڭەۋلەرگە كەلٸپ تٸرەلەدٸ. جازۋدىڭ بۇل ستيلٸ ۋاقىت ٶتكەن سايىن قاجالىپ, سۋىپ قالعان تاماقتى ەسكە سالاتىن بولادى. ماعان مۇنداي دەستٷرلٸ كٶركەمدەۋ تەسٸلٸ ۇنامايدى. بۇل بٸر جاقتان جاقسى كٶرٸنۋٸ دە مٷمكٸن, بٸراق ادامدىق قاتىناستىڭ دەڭگەيٸن جازۋدى كٶتەرە المايدى. سوسىن سۇلۋلىق دەگەننٸڭ نە ەكەنٸنە كٸم ناقتى باعا بەرە الادى? مەن پروزامدا وسىنى ٶزگەرتۋگە تالپىنامىن. ماعان ەركٸن جازعان ۇنايدى, سوندىقتان شىعارمادا ٶمٸرلٸك مەن مەن بالعىندىقتى كٶبٸرەك تاباتىن ۇزاق تەڭەۋلەردٸ كٶپ قولدانامىن.
– دەل وسى «بالعىندىق» باتىس وقىرماندارىن قىزىقتىرادى, بٸر جاقتان سٸز شىعارماڭىزدا ولارعا تانىس پوپ-مەدەنيەتتەن دەيەكسٶز كەلتٸرٸپ وتىراسىز. بٸراق باتىس ادامى ٷشٸن پوپ-مەدەنيەت تاڭعالارلىق نەرسە ەمەس, سولاي عوي?
– سٶزٸڭدە قاتەلٸك جوق. بٸراق وسىنداي دٷنيەلەردٸ كونتەكستەن سۋىرىپ السا, ولار مٷلدە باسقا ماعىناعا يە بولادى. كٸتاپتارىمدا كٶپ جىلدار پوپ-مەدەنيەتتەن دەيەك كەلتٸرٸپ جٷردٸم, ٶيتكەنٸ بۇل مەدەنيەت جاپوندىقتاردىڭ ٶمٸرٸنە سٸڭٸپ كەتكەن. بۇل ماعان قاراپايىم جاپوندىق رەتٸندە ۇنايدى. الپىسىنشى جىلدارى كٶپساندى جاپوندىقتار تەلەۆيزور ارقىلى امەريكا مەدەنيەتٸنە قىزىقتى. مىسالى, مەن بالا كەزٸمدە «ەكەمٸز بەرٸنەن كٶپ بٸلەدٸ» دەيتٸن امەريكانىڭ توك-شوۋىن ۇناتاتىنمىن. تەلەۆيزورداعى سول گەرويلاردىڭ ٶمٸرٸ جاپوندىقتار ٷشٸن باعا جەتپەس بايلىق سەكٸلدٸ بولدى. ٷلكەن ماشينالار, تەلەۆيزورلار, ٶمٸرگە راحات سىيلايتىن تەحنيكالار جەنناتتى ەلەستەتتٸ. مەن ەرجەتٸپ, جازا باستاعان كەزدە دجاز, دەتەكتيۆتەر, تەلەباعدارلامالار, روك-مۋزىكالار بٸزدٸڭ ەلەمنٸڭ اجىراماس بٸر بٶلەگٸنە اينالعان, سوندىقتان بۇل تابيعي نەرسە. بٸراق بۇل سٸلتەمەلەر اسا كٷردەلٸ ەرٸ تەرەڭ ەمەس. ناقتى ايتقاندا, مەن بريۋس سپرينگستينٸڭ جاساعان دٷنيەسٸنٸڭ جەلٸسٸمەن جازعىم كەلەدٸ. سولاردىڭ كٶمەگٸمەن مەن ايتارىمدى ايتقىم كەلەدٸ, ال ول قاشاندا قيىن. مىنانى مويىنداۋ كەرەك, سوڭعى كەزدەرٸ مەن پوپ-مەدەنيەتتٸ كٶرسەتۋدٸڭ كەرەگٸ جوق ەكەنٸن بٸلدٸم. ەندٸ مەن باسقا شيىرمەن جٷرەمٸن, باعىتىمدى ٶزگەرتەمٸن.
– امەريكالىقتارعا سٸزدٸڭ كٸتابىڭىز نەسٸمەن قىزىق? ەسٸرەسە جاستارعا?
– امەريكا ۋنيۆەرسيتەتتەرٸنە لەكتسييا وقىعاندا بايقاعانىم, كٶپتەگەن ستۋدەنتتەر زاماناۋي جاپون ەدەبيەتٸن جاپون ەدەبيەتٸ دەپ وقىمايدى. تەك قانا ولارعا قىزىق بولعانى ٷشٸن وقيدى. جاستار ون جىلدىڭ الدىندا گارسيا ماركەستٸڭ, ماريو ۆارگاس لوستىڭ جەنە باسقا دا لاتىنامەريكالىقتاردى قىزىعىپ وقىسا, بۇل كٷندە مەنٸڭ روماندارىمدى دا, ەمي يامادانىڭ پروزاسىن دا سولاي قىزىعا وقيدى. مۇنداي ٶزگەرٸس ٷشٸن ەدەتتە بٸراز ۋاقىت قاجەت. بٸراق, كەيٸنگٸ كەزدە ەر ەلدٸڭ جازۋشىلارىنىڭ بٸر-بٸرٸنە ىقپال ەتۋٸ ەدەبي ٶزگەرٸستٸ بۇرىنعىدان تەزدەتٸپ جٸبەردٸ. بۇل, مەنٸڭشە, ٶتە دۇرىس.
– بٷگٸنگٸ جاپوندىقتاردىڭ الپىسىنشى جىلدارداعى جاپوندىقتاردان ايىرماشىلىعى بار ما? الپىسىنشى جىلدارى جاستاردىڭ ەلەمدە بولعان قٶزقاراسىن ٶزگەرتەتٸن كٶڭٸلگە قونىمدى ەدەبيەت بولمادى دەپ ٶزٸڭٸز ايتىپ ٶتتٸڭٸز. قازٸر بۇل ٷردٸس ٶزگەردٸ مە? سٸزدٸڭ تالعامىڭىزعا جاقىن جاس جازۋشىلاردىڭ تولقىنى پايدا بولدى ما?
– يە, قازٸرگٸ كٷندە جازۋشىلاردىڭ جاڭا تولقىنى پايدا بولدى. سونىڭ ٸشٸندە جاپون ەدەبيەتٸنٸڭ ستيلٸ مەن مازمۇنىن ٶزگەرتكەندەرٸ دە بار. بانانا ەسيموتونىڭ پوۆەستەرٸ, ريۋ مۋراكاميدٸڭ روماندارى ون جىلدىڭ الدىنداعى جاپون ەدەبيەتٸنەن وزىپ كەتتٸ, تٸپتٸ سوعىستان كەيٸنگٸ تولقىننىڭ باسىندا تۇرعان كەندزابۋرو وەدەن دە اسىپ تٷستٸ. بۇل اۆتورلاردىڭ ماعان ۇناعان جەرٸ, ولاردىڭ شىن جٷرەكتەرٸمەن, اشىق تٷردە بٷگٸنگٸ بٸزدٸ قورشاپ تۇرعان جاپون قوعامى تۋرالى الاڭ كٶڭٸلمەن قالام تەربەگەندەرٸ. ولاردىڭ جاسٶسپٸرٸم كەزدەرٸندە جاپونييا باي-باقۋاتتى بولدى, ال قازٸر ولار جاپونييانىڭ كەرەمەتتەي ٶزگەرگەنٸنە سەنٸمسٸز. ولار قوعامدى جالپى بەتتٸك قاسٸرەت باسۋىنان قورقادى. مەنٸڭ بايقاۋىمشا, قازٸرگٸ وقىرماندارعا ولاردىڭ حات فورماسىنداعى جاڭا مەنەرٸ ۇنايدى. مەن بۇل جٸگٸتتەرگە قاراعاندا ٷلكەن بولسام دا, ٶزٸمدٸ ٸشكٸ جان دٷنيەمدە سولاردىڭ قۇرداستارىنداي سەزٸنەمٸن.
– شەتەلدە جٷرگەن ادام وتانى تۋرالى تەرەڭ تٷسٸنٸكتەرگە بارىپ, باسقاشا ويلاي باستايدى دەگەن تٷسٸنٸك بار. سٸزدٸڭ باسىڭىزدا وسىنداي جاعدايلار بولدى ما?
– ونداي سەزٸم بولادى. امەريكالىقتار مەنەن ٷنەمٸ نەگە امەريكا تۋرالى جازبايسىز دەپ سۇرايدى. مەن امەريكادا بٸرنەشە جىل ٶمٸر سٷردٸم, ەڭ باستىسى, پرينستون, گارۆارد ۋنيۆەرسيتەتتەرٸ ماعان ۆيزا بەرٸپ شاقىرتتى. ولارمەن قانداي دا بٸر مٸندەتتەمە بولعان جوق, مەن ٶز قالاۋىمشا ٶمٸر سٷردٸم. ەرينە, امەريكادان توم-تومداپ كٸتاپ جازۋعا بولاتىنداي ەسەر الدىم, بٸراق ماعان ازييا تۋرالى جازا بەرگەنٸم دۇرىس سەكٸلدٸ. وتىزىنشى جىلدارى جاپونييا قىتايدا نە ٸستەگەنٸ تۋرالى كٸتاپ جازىپ جاتىرمىن. بۇل روماندى پرينستوندا جٷرگەندە باستادىم. سول جەردەگٸ كٸتاپحانادان سوعىس تۋرالى كٸتاپتاردىڭ ٷلكەن قورىنا كەزٸگٸپ, سونى وقىپ جٷرگەندە, «سايىپ كەلگەندە, جاپوندىقتار كٸمبٸز بٸزدەر? بٸز ەلەم ٷشٸن نە ٸستەپ بەردٸك?» دەگەن ٷلكەن سۇراقتار مازامدى الا باستادى. وتىزىنشى جىلدارى ەكەمنٸڭ قىتايدا نە ٸستەگەنٸن بٸلگٸم كەلدٸ. ول كٸشكەنە كەزٸمدە قىتايدا سوعىستا بولعانىن ايتىپ وتىراتىن. وسى تاريحتىڭ كەيبٸر تۇستارى مەنٸ قاتتى تاڭعالدىردى. بۇل دا بٸر ٷلكەن قاندى تاريح. جالپى ەسەپتە جاپوندىقتار ەكٸنشٸ دٷنيەجٷزٸلٸك سوعىستا نە بولعانىن تٷسٸنبەيتٸن سەكٸلدٸ. يە, حيروسيما مەن ناگاساكيگە اتوم بومباسى تاستالۋى ٷلكەن قاسٸرەت, ال جاپوندىقتاردىڭ قىتاي مەن پەرل-حاربورداعى زوبالاڭى ودان كەم ەمەس. بٷگٸنگٸ جاپوندىقتار سوعىستىڭ قۇرباندارى بولىپ كٶرٸنگٸسٸ كەلەدٸ. بٸزگە بومبا تاستالعاسىن – قۇربان بولعانىمىز جاقسى. كٸنەلٸلەر بٸز ەمەسپٸز, كٸنەلٸلەر بيلٸكتە, يمپەراتور سارايىندا, پارلامەنتتە وتىرعاندار. بٸراق وسى حايۋاندىق ٷشٸن بارلىق جاپوندىقتار باسقىنشى اتاندىق. بٸزدٸڭ ٶتكەنٸمٸز بەن بٷگٸنٸمٸز بٸر-بٸرٸمەن ساباقتاسىپ جاتقانىن ادامدار ويلاعىسى كەلمەيدٸ.
– بارلىق جىنىستىق قاتىناس كٶرٸنٸستەرٸ, باسى دا, سوڭى دا نەگٸزگٸ مەتٸننەن بٶلەك جاساندى زاتتى ەكەلٸپ ورنالاستىرعان سيياقتى. وقيعا ٶربي بەرەدٸ, سوسىن جىنىستىق قاتىناس كٶرٸنٸسٸنە ٷزٸلٸس الادى دا, قايتادان ٶز ارناسىنا تٷسەدٸ. تەك «نورۆەگ ورمانىندا» عانا مۇنداي كٶرٸنٸستەر وقيعانى شىنايى كٶرسەتٸپ تۇر.
– ٷلكەن راقمەت! جاپونييالىقتاردىڭ كٶبٸسٸنە «نورۆەگ ورمانىنداعى» جىنىستىق قاتىناس ۇنامايدى ەكەن. نەگە ەكەنٸن بٸلمەدٸم, كەيبٸرەۋلەرٸ بۇعان اشۋلاندى, ال كەيبٸرٸ بۇنى «پورنوگروفييا» دەپ ەسەپتەدٸ. ماعان «سەكسۋالدى مانيياكسىڭ» دەپ جازعاندار دا بولدى (كٷلدٸ)... ەرينە, بۇل اقىماقتىق قوي. مەن تەك جىنىستىق قاتىناس تۋرالى جازدىم, ٶيتكەنٸ بۇل ادام ٶمٸرٸنٸڭ ەڭ ماڭىزدى شاقتارى. سەبيگە قۋىرشاقتى بەرگەنٸمٸزدە, ونىمەن ويناعىسى كەلەدٸ. بٸراق كەلەسٸ كٸتابىمدا مەن بۇل قۋىرشاقتى قولدانبايمىن, ٶيتكەنٸ مەن ونىمەن ويناپ بولعانمىن.
– ەڭگٸمەڭٸزگە راقمەت!
ەڭگٸمەلەسكەندەر: سيندا گرەگوري, توسيفۋمي ميياۆاكي.
اۋدارعان ىقىلاس شالعىنباي
