«New Silk Way - 2024 Model United Nations International Youth Conference» حالىقارالىق جاستار كونفەرەنسياسىندا زياتكەرلەر توپ جاردى
الماتى قالاسىنداعى حيميا-بيولوگيا باعىتىنداعى NIS وقۋشىلارى ءال-فارابي اتىنداعى قازۇۋ-دە وتكەن «جاڭا جىبەك جولى – 2024» بۇۇ مودەلى - حالىقارالىق جاستار كونفەرەنسياسىنا تابىستى قاتىسىپ، ۇزدىكتەر قاتارىنان تابىلدى. بۇل شارا قازاق ۇلتتىق ۋنيۆەرسيتەتىنىڭ (قازۇۋ)، قازاق ۇلتتىق اگرارلىق زەرتتەۋ ۋنيۆەرسيتەتىنىڭ (قازنارۋ) جانە سيان حالىقارالىق زەرتتەۋلەر ۋنيۆەرسيتەتىنىڭ (XISU) باستاماسىمەن ۇيىمداستىرىلىپ، بۇۇ اقپاراتتىق ورتالىعى (يۋنيك)، الماتى قالاسىنداعى ق ر سىرتقى ىستەر مينيسترلىگىنىڭ وكىلدىگى جانە ديپلوماتيالىق كورپۋس تاراپىنان قولداۋ تاپتى.
بۇۇ مودەلى قازاقستان رەسپۋبليكاسىنىڭ تاۋەلسىزدىك كۇنىنە، حالىقارالىق ۆولونتەرلەر كۇنىنە، ءقازۇۋ-دىڭ 90 جىلدىعىنا ارنالدى.
زياتكەرلەر ورتالىق ازيا مەن قىتايدان جينالعان 200-دەن استام دەلەگاتتاردىڭ ىشىندە الەمدەگى وزەكتى ماسەلەلەردى، سونىڭ ىشىندە تۇراقتى دامۋ، سۋ رەسۋرستارىن باسقارۋ، ۆولونتەرلىك قىزمەت، جىبەك جولىن قايتا جاڭعىرتۋ ارقىلى وڭىرلىك ىنتىماقتاستىقتى نىعايتۋ، سيفرلىق داۋىردە جوعارى ءبىلىمنىڭ ءرولى مەن ونىڭ عالامدىق بولاشاعى سىندى تاقىرىپتاردى تالقىلادى.
NIS وقۋشىلارى تۇراقتى دامۋ ماقساتتارىنا جەتۋگە باعىتتالعان يننوۆاسيالىق شەشىمدەر ازىرلەۋگە ءوز ويلارى مەن شەشىمدەرىن ءبىلدىرىپ كونفەرەنسيا قورىتىندىسى بويىنشا راقىمجانوۆ ءاليحان، الىبەك داڭىق، كۋرمانعالييەۆا مەدينا، باتىربەك مانسۇر، تۇرسىن گازيز “ۇزدىك دەلەگات”،”ۇزدىك بايانداما”، “كورنەكتى دەلەگات” نوميناسيالارىنىڭ جەڭىمپازى اتاندى.
كونفەرەنسيا سوڭىندا وتكەن ديپلوماتيالىق بالدا شەتەلدىك ديپلوماتيالىق ميسسيا وكىلدەرىنىڭ الدىندا الماتى قالاسىنىڭ حيميا-بيولوگيا باعىتىنداعى زياتكەرلىك مەكتەپتىڭ «نۇر سازى» حالىق اسپاپتار وركەسترى ونەر كورسەتتى. وركەستردىڭ جەتەكشىسى – بارلىكوۆ ە.گ.
