ول instagram-داعى ستوريزىندە: "وتان، حالىق وزىڭنەن دە قىمبات بولۋى كەرەك!"، دەپ جازدى.
بۇگىن ساعات 11-دە ەرەجەسىز جەكپە-جەكتەن سپورت شەبەرى پوليسيا دەپارتامەنتى عيماراتىنان شىققان سوڭ، Azattyq Rýhy تىلشىسىنە ءوز پىكىرىن بىلدىرگەن بولاتىن.
«بىرىنشىدەن حالىققا، جانكۇيەرلەرىمە، قولداۋ بىلدىرگەن جۋرناليستەرگە العىس بىلدىرەمىن. ەشقانداي قىسىم بولعان جوق، ءقازىر بوستاندىقتامىن. مەن حالىقتىڭ ادامىمىن، ءوز وي-پىكىرىمدى ءبولىسىپ وتىرامىن. ءوز ازاماتتىق پوزيسيامدى ەل اتىنان ءبىلدىرىپ وتىراتىن كەزدەر دە بولادى. مەن قاشاندا ءوز ايتقانىمدا تۇرامىن. ويىم وزگەرگەن جوق. ءبىراق ەشكىمدى اتىپ-قىرۋدىڭ قاجەتى جوق. اۋىلدا بۇرىن تاسپەن، تاياقپەن اتاتىن. اتا-اپالارىمىز ايتىپ وتىراتىن. ءبىراق ەشكىمدى اتۋدىڭ قاجەتى جوق. ويىم، ءىسىم حالىقپەن بىرگە. ەگەر بىردەڭەنىڭ حالىققا زيانى تيسە، حالىقتىڭ اتىنان سويلەيمىن»، - دەدى حاميتوۆ.
سپورتشى بۇعان دەيىن كوشەدە دەزينفەكسيا جاساۋشىلاردى ۇرىپ-سوعىپ، تىكۇشاقتارعا وق اتۋعا ۇندەۋ جاساعان بولاتىن. ودان كەيىن ول ءتيىستى پروسەسسۋالدىق ارەكەتتەردى جۇزەگە اسىرۋ ءۇشىن الماتى قالاسىنىڭ پوليسيا بولىمىنە جەتكىزىلدى. قىلمىستىق ءىس قوزعالدى.
ارنايى بريفينگتە قازاقستان رەسپۋبليكاسى ىشكى ىستەر مينيسترلىگىنىڭ رەسمي وكىلى حاميتوۆتىڭ ارەكەتى قىلمىسقا جاتانىن مالىمدەدى.
– سپورتشى قۋات حاميتوۆتىڭ اۆتورلىعىنداعى ۆيدەوعا پىكىر بىلدىرە كەتەيىن. ول زورلىق-زومبىلىققا شاقىراتىن ۇندەۋ جاساپ، ونى ۆيدەوعا ءتۇسىپى، الەۋمەتتىك جەلىلەردىڭ بىرىندەگى ءوزىنىڭ پاراقشاسىندا جاريالادى.
بۇل تىكەلەي زاڭبۇزۋشىلىق جانە قىلمىستىق قۇقىق بۇزۋشىلىق بولىپ تابىلادى. ىشكى ىستەر مينيسترلىگى ازاماتتاردى بىلە تۇرا جالعان اقپارات تاراتپاۋعا شاقىرادى، تەك مەملەكەتتىك ورگانداردىڭ رەسمي مالىمەتتەرىنە سەنۋ كەرەك.
زاڭدى بۇزعان جاعدايدا اكىمشىلىك جانە قىلمىستىق جاۋاپكەرشىلىك قاراستىرىلعانىن ءاردايىم ەستە ساقتاۋ قاجەت، – دەدى ق ر ىشكى ىستەر مينيسترلىگىنىڭ رەسمي وكىلى ءنۇردىلدا وراز.
