Ol instagram-daǵy storızinde: "Otan, halyq ózińnen de qymbat bolýy kerek!", dep jazdy.
Búgin saǵat 11-de erejesiz jekpe-jekten sport sheberi Polısıa departamenti ǵımaratynan shyqqan soń, Azattyq Rýhy tilshisine óz pikirin bildirgen bolatyn.
«Birinshiden halyqqa, jankúıerlerime, qoldaý bildirgen jýrnalıserge alǵys bildiremin. Eshqandaı qysym bolǵan joq, qazir bostandyqtamyn. Men halyqtyń adamymyn, óz oı-pikirimdi bólisip otyramyn. Óz azamattyq pozısıamdy el atynan bildirip otyratyn kezder de bolady. Men qashanda óz aıtqanymda turamyn. Oıym ózgergen joq. Biraq eshkimdi atyp-qyrýdyń qajeti joq. Aýylda buryn taspen, taıaqpen atatyn. Ata-apalarymyz aıtyp otyratyn. Biraq eshkimdi atýdyń qajeti joq. Oıym, isim halyqpen birge. Eger birdeńeniń halyqqa zıany tıse, halyqtyń atynan sóıleımin», - dedi Hamıtov.
Sportshy buǵan deıin kóshede dezınfeksıa jasaýshylardy uryp-soǵyp, tikushaqtarǵa oq atýǵa úndeý jasaǵan bolatyn. Odan keıin ol tıisti prosesýaldyq áreketterdi júzege asyrý úshin Almaty qalasynyń polısıa bólimine jetkizildi. Qylmystyq is qozǵaldy.
Arnaıy brıfıńte Qazaqstan Respýblıkasy İshki ister mınıstrliginiń resmı ókili Hamıtovtyń áreketi qylmysqa jatanyn málimdedi.
– Sportshy Qýat Hamıtovtyń avtorlyǵyndaǵy vıdeoǵa pikir bildire keteıin. Ol zorlyq-zombylyqqa shaqyratyn úndeý jasap, ony vıdeoǵa túsipi, áleýmettik jelilerdiń birindegi óziniń paraqshasynda jarıalady.
Bul tikeleı zańbuzýshylyq jáne qylmystyq quqyq buzýshylyq bolyp tabylady. İshki ister mınıstrligi azamattardy bile tura jalǵan aqparat taratpaýǵa shaqyrady, tek memlekettik organdardyń resmı málimetterine sený kerek.
Zańdy buzǵan jaǵdaıda ákimshilik jáne qylmystyq jaýapkershilik qarastyrylǵanyn árdaıym este saqtaý qajet, – dedi QR İshki ister mınıstrliginiń resmı ókili Nurdildá Oraz.
