Wildberries ماركەتپلەيسٸ لوگيستيكالىق ورتالىقتارعا جاسالعان شابۋىلدان زارداپ شەككەن ساتۋشىلاردى قولداۋ ماقساتىندا قوسىمشا جەڭٸلدٸكتەر ەنگٸزدٸ. ەندٸ WB بانك پەن WB Finance ميكروقارجى ۇيىمى ارقىلى نەسيە نەمەسە قارىز العان كەسٸپكەرلەر ٷش اي بويى تٶلەم جاساۋدان بوساتىلادى, دەپ حابارلايدى dalanews.kz.
كومپانييانىڭ باسپاسٶز قىزمەتٸنٸڭ مەلٸمەتٸنشە, بۇل شارا شاعىن جەنە ورتا بيزنەس ٶكٸلدەرٸنە ارنالعان.
"WB بانك پەن WB Finance ميكروقارجى ۇيىمى لوگيستيكالىق ورتالىقتارعا جاسالعان شابۋىل سالدارىنان تاۋار قورى مەن قىزمەتٸنە زييان كەلگەن ساتۋشىلارعا نەسيە دەمالىسىن ۇسىندى. بارلىق نەسيە مەن قارىز بويىنشا نەگٸزگٸ قارىزدى ٶتەۋ جەنە سىياقى ەسەپتەۋ ٷش ايعا توقتاتىلدى. وسىلايشا كەسٸپكەرلەر كەلەسٸ تٶلەمدەرٸن تەك قازان ايىنىڭ سوڭىندا جٷرگٸزەدٸ", – دەپ حابارلادى كومپانييا.
سونداي-اق جەڭٸلدٸك اۆتوماتتى تٷردە قوسىلعاندىقتان, ساتۋشىلاردان ٶتٸنٸش بەرۋ نەمەسە قانداي دا بٸر قۇجات ۇسىنۋ تالاپ ەتٸلمەيدٸ. بۇل تۋرالى اقپارات ولاردىڭ جەكە كابينەتتەرٸندە كٶرسەتٸلگەن.
ال نەسيە تٶلەمٸن بۇرىنعى كەستە بويىنشا جالعاستىرعىسى كەلەتٸن كەسٸپكەرلەر جەكە كابينەتٸندەگٸ ارنايى باتىرما ارقىلى بۇل قىزمەتتەن باس تارتا الادى نەمەسە قولداۋ قىزمەتٸنە جٷگٸنە الادى.
كومپانييا ٸرٸ بيزنەس ٶكٸلدەرٸنە قاتىستى قولداۋ شارالارى ەر كەسٸپورىننىڭ جاعدايىنا قاراي جەكە قاراستىرىلاتىنىن مەلٸمدەدٸ.
