Wildberries marketpleisi logistikalyq ortalyqtarǵa jasalǵan shabýyldan zardap shekken satýshylardy qoldaý maqsatynda qosymsha jeńildikter engizdi. Endi WB Bank pen WB Finance mikroqarjy uiymy arqyly nesie nemese qaryz alǵan kásipkerler úsh ai boiy tólem jasaýdan bosatylady, dep habarlaidy dalanews.kz.
Kompaniianyń baspasóz qyzmetiniń málimetinshe, bul shara shaǵyn jáne orta biznes ókilderine arnalǵan.
"WB Bank pen WB Finance mikroqarjy uiymy logistikalyq ortalyqtarǵa jasalǵan shabýyl saldarynan taýar qory men qyzmetine ziian kelgen satýshylarǵa nesie demalysyn usyndy. Barlyq nesie men qaryz boiynsha negizgi qaryzdy óteý jáne syiaqy esepteý úsh aiǵa toqtatyldy. Osylaisha kásipkerler kelesi tólemderin tek qazan aiynyń sońynda júrgizedi", – dep habarlady kompaniia.
Sondai-aq jeńildik avtomatty túrde qosylǵandyqtan, satýshylardan ótinish berý nemese qandai da bir qujat usyný talap etilmeidi. Bul týraly aqparat olardyń jeke kabinetterinde kórsetilgen.
Al nesie tólemin burynǵy keste boiynsha jalǵastyrǵysy keletin kásipkerler jeke kabinetindegi arnaiy batyrma arqyly bul qyzmetten bas tarta alady nemese qoldaý qyzmetine júgine alady.
Kompaniia iri biznes ókilderine qatysty qoldaý sharalary ár kásiporynnyń jaǵdaiyna qarai jeke qarastyrylatynyn málimdedi.
