ۇلتتىق بانكتٸڭ تٶراعاسى تيمۋر سٷلەيمەنوۆ ٷكٸمەتتٸڭ كەڭەيتٸلگەن وتىرىسىندا ۇلتتىق قور قارجىسىنان ٸسكە اسىرىلاتىن جوبالاردى باعالاۋدىڭ جاڭا تەتٸگٸن تانىستىردى. ونىڭ ايتۋىنشا, بۇل تەتٸك ٸسكە قوسىلىپ, ٶز تيٸمدٸلٸگٸن تانىتسا ۇلتتىق قوردان ۋىس-ۋىس اقشا الۋ تىيىلاتىن كٶرٸنەدٸ. بۇل تۋرالى Dalanews.kz پورتالى حابارلايدى.
سٷلەيمەنوۆتٸڭ ايتۋىنشا, بۇعان دەيٸن ۇلتتىق قور ەسەبٸنەن ساتىپ الىنعان وبليگاتسييالاردىڭ مەرزٸمٸ تىم ۇزاق, سىياقى مٶلشەرلەمەسٸ دە نارىقتىق تالاپتارعا ساي دەڭگەيدە بولماعان.
"بۇل ۇلتتىق قوردىڭ تٸكەلەي ەرٸ ايتارلىقتاي شىعىنعا ۇشىراۋىنا ەكەلٸپ سوقتى. ەندٸ بٸز وسى شارتتاردى نارىققا بارىنشا جاقىنداتتىق. بۇل قور مەن بولاشاق ۇرپاقتىڭ مٷددەسٸن تەڭدەستٸرۋگە مٷمكٸندٸك بەرٸپ, ستراتەگييالىق جوبالاردى جٷزەگە اسىرۋدىڭ ماڭىزدىلىعىن ارتتىرادى. وسىلايشا ٷكٸمەتپەن بٸرلەسٸپ, ۇلتتىق قوردان قارجىلاندىراتىن جوبالاردى باعالاۋدىڭ جاڭا تەتٸگٸ ەزٸرلەندٸ", – دەدٸ ول.
ۇلتتىق بانك تٶراعاسى اتاپ ٶتكەندەي, جوبالاردى قارجىلاندىرۋ مەسەلەسٸندە قارجى سەكتورىنىڭ مٸندەتتٸ تٷردە قوسىمشا قاراجات سالۋى كٶزدەلگەن. بۇل شارا, بٸر جاعىنان, ۇلتتىق قورعا تٷسەتٸن جٷكتەمەنٸ ازايتسا, ەكٸنشٸ جاعىنان, نارىقتاعى ٶتٸمدٸلٸكتٸ بەلسەندٸ قولدانۋدى قامتاماسىز ەتەدٸ.
سونداي-اق سٷلەيمەنوۆ جاڭا بٸر ينۆەستيتسييالىق باعدارلاما ەزٸرلەنٸپ جاتقانىن ايتتى. ونىڭ اياسىندا ەكونوميكانىڭ وزىق سەكتورلارىنداعى شاعىن ستارتاپتاردى قارجىلاندىرۋ كٶزدەلگەن. وعان باستاپقى كەزەڭدە قارجى ۇلتتىق قوردىڭ بالامالى ينۆەستيتسييالار پورتفەلٸنەن بٶلٸنەدٸ.
"بۇل ستراتەگييالىق ماڭىزى بار ٸرٸ جوبالاردان بٶلەك, سالىستىرمالى تٷردە شاعىن ستارتاپتار بولادى. ولاردى قارجىلاندىرۋدا استانا حالىقارالىق قارجى ورتالىعى (احقو) ينفراقۇرىلىمىن دا پايدالانامىز", – دەدٸ ول.
ۇلتتىق بانك باسشىسى بۇل شارالار جەكە كاپيتال نارىعىن ٸلگەرٸلەتۋگە, سونداي-اق قازاقستانعا سىرتقى قارجى تەحنولوگييالارى مەن ساراپتاماسىن تارتۋعا سەپتٸگٸن تيگٸزەتٸنٸنە سەنٸمدٸ.
"بۇل تەك قوسىمشا ينۆەستيتسييا تارتۋمەن شەكتەلمەيدٸ. قارجى نارىعى مەن تەحنولوگييالار سالاسىنداعى تەجٸريبە الماسۋ جاعى دا تەرەڭدەيدٸ, ال احقو ەلەۋەتٸ بۇرىنعىدان دا كەڭٸنەن قولدانىسقا يە بولادى", – دەپ سٶزٸن تٷيٸندەدٸ سٷلەيمەنوۆ.
