اقش پرەزيدەنتٸ دونالد ترامپتىڭ ارنايى ٶكٸلدەرٸ ستيۆ ۋيتكوفف پەن دجارەد كۋشنەر كيەۆتە ۋكراينا پرەزيدەنتٸ ۆلاديمير زەلەنسكييمەن تٶرت ساعاتقا جۋىق كەلٸسسٶز جٷرگٸزٸپ, بۇعان دەيٸن ۇسىنىلعان بەيبٸت جوسپارلاردىڭ جاڭارتىلعان نۇسقالارىن تالقىلادى, دەپ حابارلايدى dalanews.kz.
Financial Times دەرەككٶزدەرٸنٸڭ مەلٸمەتٸنشە, امەريكالىق ٶكٸلدەر كيەۆكە مٷلدە جاڭا ۇسىنىستاردىڭ ٷلكەن پاكەتٸن ەكەلمەگەن. ولار بۇعان دەيٸنگٸ باستامالاردى قايتا جانداندىرىپ, مەسكەۋ مەن كيەۆتٸڭ ۇستانىمدارىن جاقىنداتۋعا تىرىسقان.
كەلٸسسٶزدەردٸڭ نەگٸزگٸ تاقىرىپتارىنىڭ بٸرٸ دونباسس مەسەلەسٸ بولعان. رەسەي ٶڭٸردٸ تولىق باقىلاۋعا الۋدى تالاپ ەتٸپ وتىر, ال ونىڭ بٸر بٶلٸگٸ ەلٸ دە ۋكراينا باقىلاۋىندا.
ۆلاديمير زەلەنسكيي كەزدەسۋدەن كەيٸن تاراپتاردىڭ اۋماق مەسەلەسٸن تالقىلاعانىن راستادى. الايدا ۋكراينا پرەزيدەنتٸ مۇنداي مەسەلەلەردٸ تٷپكٸلٸكتٸ تٷردە مەملەكەت باسشىلارى عانا شەشۋٸ كەرەك ەكەنٸن ايتتى.
كەزدەسۋدە سونداي-اق اقش, رەسەي جەنە ۋكراينا اراسىنداعى ٷشجاقتى كەلٸسسٶزدەردٸ قايتا باستاۋ مٷمكٸندٸگٸ قارالعان. دجارەد كۋشنەر ۆاشينگتوننىڭ كەلٸسسٶزدەر فورماتىن قايتا جانداندىرۋعا ٷمٸتتٸ ەكەنٸن مەلٸمدەدٸ.
ۋيتكوفف پەن كۋشنەر كيەۆكە 6 قىركٷيەكتە, مەسكەۋدە رەسەي پرەزيدەنتٸ ۆلاديمير پۋتينمەن ٷش ساعاتتان استام كەلٸسسٶز جٷرگٸزگەننەن كەيٸن بارعان. الايدا قازٸرگٸ ۋاقىتتا كەلٸسسٶزدەردە ناقتى ديپلوماتييالىق ٸلگەرٸلەۋ بولعانى تۋرالى اقپارات جوق.
ۋكراينا ٷشٸن دونباسس مەسەلەسٸ نەگٸزگٸ تٷيتكٸلدەردٸڭ بٸرٸ بولىپ قالا بەرەدٸ. كيەۆ رەسەي باقىلاۋىنداعى اۋماقتاردى بەرۋگە كەلٸسپەيتٸنٸن بۇعان دەيٸن دە بٸرنەشە رەت مەلٸمدەگەن.
