بٷگٸن تٷركٸستان وبلىسىنىڭ ەكٸمٸ دارحان ساتىبالدى وڭتٷستٸك كورەيانىڭ «ۆۋسونگ» بٸلٸم بەرۋ قورىنىڭ قۇرمەتتٸ تٶراعاسى كيم سۋن كيۋنمەن كەزدەستٸ. قوس تاراپ ەرٸپتەستٸكتٸ نىعايتۋ جولدارىن تالقىلاپ, تٷركٸستان قالاسىندا وڭتٷستٸك كورەيانىڭ «Woosong» ۋنيۆەرسيتەتٸنٸڭ فيليالىن اشۋ بويىنشا كەلٸسٸمگە قول قويدى, دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ
– قاسيەتتٸ تٷركٸستانعا قوش كەلدٸڭٸز. قازاقتا «بٸر كٶرگەن – بٸلٸس, ەكٸ كٶرگەن – تانىس» دەگەن سٶز بار. ٶزٸڭٸزبەن بٸرنەشە رەت جٷزدەسٸپ, جاقىن ادامعا اينالدىق دەسەك بولادى. تاريحى مەن مەدەني مۇراسى مول ەجەلگٸ قالا تٷركٸستان قارقىندى دامىپ, زاماناۋي بٸلٸم بەرۋ جەنە مەدەني ورتالىققا اينالۋدا. شاھارىمىزدا «ۆۋسونگ» ۋنيۆەرسيتەتٸنٸڭ فيليالىن اشۋ وسى جولداعى ماڭىزدى كەزەڭ ەكەنٸ داۋسىز جەنە مۇنىڭ مۋلتيپليكاتيۆتٸ ەسەرٸ زور بولاتىنى انىق. سٸزدٸڭ تەجٸريبەڭٸز بەن بٸلٸمٸڭٸز تٷركٸستان وبلىسىنداعى بٸلٸم بەرۋ جٷيەسٸن دامىتۋعا باعا جەتپەس ٷلەس قوسارىنا سەنٸمدٸمٸز. «ۆۋسونگ» ۋنيۆەرسيتەتٸ جاڭا بٸلٸم بەرۋ ستاندارتتارىن ەكەلٸپ قانا قويماي, سونىمەن قاتار ايماق ەكونوميكاسىنىڭ دامۋىنا ىقپال ەتەتٸن يننوۆاتسييالىق جوبالاردى قۇرۋدىڭ باستاماسى بولادى. ساۋاپتى جوبانى باستايىن دەپ وتىرمىز. بۇل وقۋ ورنى تٷركٸستان وبلىسى مەن قازاقستاننىڭ جاستارىنا مٷمكٸندٸكە بەرەدٸ. جاستارىمىز وقىپ, ەلەمدە ٶزدەرٸن تانىتىپ جاتسا, بٸزگە دە ابىروي. جۋىردا كورەيا پرەزيدەنتٸمەن كەزدەسۋٸندە مەملەكەت باسشىسى قاسىم-جومارت كەمەلۇلى وسى وقۋ ورنىن اشۋ باستاماسىنا ارنايى توقتالىپ, قولداۋ كٶرسەتتٸ. بٷگٸنگٸ وسى جوبامىزدىڭ كەلٸسٸمٸنە قول قويۋ رەسٸمٸ بٸزدٸڭ قارىم-قاتىناستارىمىزدى جاڭا دەڭگەيگە كٶتەرەدٸ. كەلٸسٸمنٸڭ ارقاسىندا بٸرلەسە وتىرىپ, كٶپتەگەن جاڭا جوبالاردى جٷزەگە اسىرىپ, بٸلٸم بەرۋ سالاسىندا ماڭىزدى جەتٸستٸكتەرگە قول جەتكٸزەمٸز دەپ سەنەمٸن. بٸز وسى ماڭىزدى جوبانى جٷزەگە اسىرۋعا جان-جاقتى قولداۋ مەن كٶمەك كٶرسەتۋگە دايىنبىز. ٶيتكەنٸ, جوبانىڭ جٷزەگە اسۋىنا ەڭ الدىمەن ٶزٸمٸز مٷددەلٸمٸز, – دەدٸ دارحان ساتىبالدى.«ۆۋسونگ» بٸلٸم بەرۋ قورىنىڭ قۇرمەتتٸ تٶراعاسى كيم سۋن كيۋن ٶڭٸر باسشىسىنا العىسىن جەتكٸزدٸ.
– تاريح پەن مەدەنيەتتٸڭ ورتالىعى – تٷركٸستانعا كەلگەنٸمە قۋانىشتىمىن. بٸزدٸڭ وقۋ ورنىن اشۋ باعىتىنداعى كەلٸسٸمٸمٸز جۇمىستى جەدەلدەتەدٸ. سەۋٸر ايىندا وڭتٷستٸك كورەياعا ارنايى كەلٸپ, وقۋ ورنىن اشۋ مەسەلەسٸ بويىنشا كەلٸسسٶز جٷرگٸزگەنٸڭٸزدٸ بٸلەمٸز. وسى قىسقا عانا ۋاقىتتا كٶپ جۇمىس اتقارىپ ٷلگەرگەنٸڭٸزدٸ كٶرٸپ تۇرمىن. «ۆۋسونگ» ۋنيۆەرسيتەتٸنٸڭ 70 جىلدىق تاريحى بار. 30 جىلدان بەرٸ شەتەلدٸڭ ستۋدەنتتەرٸن دە قابىلداپ, بٸلٸم بەرۋدە. بٸز ٶز تاراپىمىزدان تٷركٸستانداعى ۋنيۆەرسيتەتتٸ ورتالىق ازيياداعى كٶشباسشى وقۋ ورىندارىنىڭ بٸرٸنە اينالدىرۋعا بار كٷشٸمٸزدٸ سالامىز. ستۋدەنتتەرٸمٸزدٸڭ بەسەكەگە قابٸلەتتٸ, بٸلٸمدٸ بولۋىنا بارلىق جاعدايدى جاسايمىز. جوبامىز سەتتٸ جٷزەگە اسا بەرسٸن! – دەدٸ ول.
كەزدەسۋدە ەكٸجاقتى بايلانىستى نىعايتۋ, جۇمىس جوسپارىن رەتتەۋ, ۋنيۆەرسيتەتتٸ اشۋ باعىتىنداعى مەسەلەلەر جان-جاقتى تالقىلاندى. قوس تاراپ بۇل جوبا بويىنشا تۇراقتى تٷردە اقىلداسىپ تۇرۋعا ۋاعدالاستى.
