اتىراۋدا «سالتانات سارايى» ماڭىنا ارميان, گرۋزين جەنە رەسەيلٸك نٶمٸر تاققان 200-دەن استام كٶلٸك جينالدى. بۇعان قالاعا قازاقستاننىڭ ٶزگە ٶڭٸرلەرٸنەن كٷشەيتٸلگەن پاترۋلدٸك پوليتسييا ەكيپاجدارىنىڭ كەلۋٸ سەبەپ بولعان, دەپ حابارلايدى dalanews.kz "اق جايىققا" سٸلتەمە جاساپ.
كٶلٸك يەلەرٸ رەيدتەر مەن تەكسەرٸستەرگە بايلانىستى شۇعىل تٷردە باس قوسىپ, جاعدايدى تالقىلاعان. جينالعانداردىڭ ايتۋىنشا, ولاردى ەڭ الدىمەن ساقتاندىرۋ پوليسٸ مەن كٶلٸكتٸڭ زاڭدى تٸركەلۋٸ مەسەلەسٸ الاڭداتادى.
كەزدەسۋگە قاتىسۋشىلاردىڭ سٶزٸنشە, پوليتسييا رەيدتەرٸ كەزٸندە شەتەلدٸك نٶمٸرلٸ كٶلٸكتەر جاپپاي تەكسەرٸلٸپ, ساقتاندىرۋ قۇجاتى مەن تٸركەۋ زاڭدىلىعى سۇرالۋى مٷمكٸن. گرۋزين نٶمٸرلٸ Toyota Camry 50 كٶلٸگٸنٸڭ يەسٸ ەدٸلبەك تابىلدىەۆ اۆتوكٶلٸكتٸ شامامەن 5 ميلليون تەڭگەگە ساتىپ العانىن ايتتى.
بٸز بۇل كٶلٸكتەرمەن جىلدار بويى ەش قيىندىقسىز جٷردٸك. قازٸر شۇعىل ساقتاندىرۋ جاساڭدار دەيدٸ. بٸراق ونىڭ ٶزٸ دە كٶمەكتەسپەيدٸ دەگەن ەڭگٸمە شىعىپ جاتىر, – دەيدٸ ول.
كەيبٸر جٷرگٸزۋشٸلەر اتىراۋ ٷشٸن مۇنداي اۋقىمدى رەيدتەردٸڭ قاجەتٸ جوق دەپ ەسەپتەيدٸ.
اتىراۋ اسا ٷلكەن قالا ەمەس. بٸزدە اگرەسسيۆتٸ قۇقىق بۇزۋشىلاردىڭ كٶپ لەگٸ جوق. وندا نە ٷشٸن مۇنداي كٷشەيتۋ كەرەك? ەلدە جەرگٸلٸكتٸ پوليتسييا ٶزٸ جەتكٸزە الماي وتىر ما? – دەيدٸ جٷرگٸزۋشٸلەردٸڭ بٸرٸ.
بەيرەسمي مەلٸمەت بويىنشا, اتىراۋدا شەتەلدٸك نٶمٸرمەن جٷرگەن 5 مىڭنان استام كٶلٸك بار. ولاردىڭ باسىم بٶلٸگٸ گرۋزييا مەن ارمەنييادا تٸركەلگەن. جينالعانداردىڭ ايتۋىنشا, وقيعا ورنىنا پوليتسييا, ەكٸمدٸك, پروكۋراتۋرا جەنە ۇقك قىزمەتكەرلەرٸ دە كەلگەن. الايدا قاتىسۋشىلار ناقتى تٷسٸندٸرۋ جۇمىستارى جٷرگٸزٸلمەگەنٸن ايتادى.
جٷرگٸزۋشٸلەردٸڭ بٸرٸ جۋرناليستەرگە گرۋزين نٶمٸرلٸ كٶلٸك يەلەرٸنٸڭ چاتىن دا كٶرسەتكەن. ول چاتتا مىڭنان استام ادام تٸركەلگەن. قاتىسۋشىلار وندا ىقتيمال رەيدتەر مەن تەكسەرٸستەردٸ تالقىلاپ, الداعى ەرەكەتتەرٸن پىسىقتاپ جاتىر.
ەزٸرگە رەسمي ورگاندار بۇل جاعدايعا قاتىستى پٸكٸر بٸلدٸرگەن جوق. ال شەتەلدٸك نٶمٸرلٸ كٶلٸك يەلەرٸ قازٸرگٸ رەيدتەر بٸر رەتتٸك شارا ما, ەلدە اتىراۋدا ۇزاق جىلدار بويى «سۇر ايماقتا» جٷرگەن كٶلٸكتەرگە قارسى ناقتى باقىلاۋ باستالدى ما دەگەن سۇراققا جاۋاپ ٸزدەپ وتىر.
