Atyraýda «Saltanat saraiy» mańyna armian, grýzin jáne reseilik nómir taqqan 200-den astam kólik jinaldy. Buǵan qalaǵa Qazaqstannyń ózge óńirlerinen kúsheitilgen patrýldik politsiia ekipajdarynyń kelýi sebep bolǵan, dep habarlaidy dalanews.kz "Aq jaiyqqa" silteme jasap.
Kólik ieleri reidter men tekseristerge bailanysty shuǵyl túrde bas qosyp, jaǵdaidy talqylaǵan. Jinalǵandardyń aitýynsha, olardy eń aldymen saqtandyrý polisi men kóliktiń zańdy tirkelýi máselesi alańdatady.
Kezdesýge qatysýshylardyń sózinshe, politsiia reidteri kezinde sheteldik nómirli kólikter jappai tekserilip, saqtandyrý qujaty men tirkeý zańdylyǵy suralýy múmkin. Grýzin nómirli Toyota Camry 50 kóliginiń iesi Ádilbek Tabyldyev avtokólikti shamamen 5 million teńgege satyp alǵanyn aitty.
Biz bul kóliktermen jyldar boiy esh qiyndyqsyz júrdik. Qazir shuǵyl saqtandyrý jasańdar deidi. Biraq onyń ózi de kómektespeidi degen áńgime shyǵyp jatyr, – deidi ol.
Keibir júrgizýshiler Atyraý úshin mundai aýqymdy reidterdiń qajeti joq dep esepteidi.
Atyraý asa úlken qala emes. Bizde agressivti quqyq buzýshylardyń kóp legi joq. Onda ne úshin mundai kúsheitý kerek? Álde jergilikti politsiia ózi jetkize almai otyr ma? – deidi júrgizýshilerdiń biri.
Beiresmi málimet boiynsha, Atyraýda sheteldik nómirmen júrgen 5 myńnan astam kólik bar. Olardyń basym bóligi Grýziia men Armeniiada tirkelgen. Jinalǵandardyń aitýynsha, oqiǵa ornyna politsiia, ákimdik, prokýratýra jáne UQK qyzmetkerleri de kelgen. Alaida qatysýshylar naqty túsindirý jumystary júrgizilmegenin aitady.
Júrgizýshilerdiń biri jýrnalisterge grýzin nómirli kólik ieleriniń chatyn da kórsetken. Ol chatta myńnan astam adam tirkelgen. Qatysýshylar onda yqtimal reidter men tekseristerdi talqylap, aldaǵy áreketterin pysyqtap jatyr.
Ázirge resmi organdar bul jaǵdaiǵa qatysty pikir bildirgen joq. Al sheteldik nómirli kólik ieleri qazirgi reidter bir rettik shara ma, álde Atyraýda uzaq jyldar boiy «sur aimaqta» júrgen kólikterge qarsy naqty baqylaý bastaldy ma degen suraqqa jaýap izdep otyr.
