Qarmet كومپانيياسىنا قاراستى ت. كٷزەمباەۆ اتىنداعى شاحتادا كٶمٸر ٶندٸرۋدٸ قاۋٸپسٸز ەرٸ تيٸمدٸ ەتۋگە سەپتەسەتٸن جاڭا زاماناۋي جابدىقتى ٸسكە قوسۋعا دايىندىق جٷرٸپ جاتىر. بۇل – نەمٸستٸڭ Hauhinco كومپانيياسىنىڭ جوعارى ٶنٸمدٸ سورعى ستانتسيياسى, دەپ حابارلايدى dalanews.kz.
اتالعان ستانتسييا شاحتەرلەردٸڭ باسىنداعى تاۋ جىنىستارىن ۇستاپ تۇراتىن ارنايى شاحتا قۇرىلىمىنىڭ جۇمىسىن قامتاماسىز ەتەدٸ. ونىڭ تۇراقتى جۇمىسىنا ادامداردىڭ قاۋٸپسٸزدٸگٸ مەن كٶمٸر ٶندٸرٸسٸنٸڭ ٷزدٸكسٸزدٸگٸ تٸكەلەي بايلانىستى.
بۇل ۋچاسكەدەگٸ بۇرىنعى جابدىق 20 جىلدان استام جۇمىس ٸستەپ, قازٸرگٸ سەنٸمدٸلٸك پەن تيٸمدٸلٸك تالاپتارىنا ساي كەلمەيتٸن ەدٸ. جاڭا سورعى ستانتسيياسى شاحتانى تەحنيكالىق قايتا جاراقتاندىرۋ باعدارلاماسى اياسىندا سونىڭ ورنىنا ورناتىلدى.
جابدىقتىڭ قۋاتى جوعارى: ستانتسييا مينۋتىنا 320 بار قىسىممەن 600 ليترگە دەيٸن ارنايى سۇيىقتىق بەرەدٸ. سونىڭ ارقاسىندا جٷيە ەلەۋلٸ جٷكتەمەلەر كەزٸندە دە تۇراقتى جۇمىس ٸستەي الادى. سونىمەن قاتار, جابدىق تولىقتاي دەرلٸك اۆتوماتتاندىرىلعان: ستانتسييا جٷكتەمەنٸ ٶزٸ باقىلاپ, قاجەت بولعان جاعدايدا قوسىمشا سورعىلاردى ٸسكە قوسادى.
«جٷكتەمە ارتقاندا جٷيە تۇراقتى قىسىمدى ۇستاپ تۇرۋ ٷشٸن ەكٸنشٸ, سودان كەيٸن ٷشٸنشٸ سورعىنى ٶزٸ ٸسكە قوسادى. مۇنداي اۆتوماتتاندىرۋ جۇمىسىمىزدى ەدەۋٸر جەڭٸلدەتٸپ, ەلەكتر ەنەرگيياسىن ٷنەمدەۋگە مٷمكٸندٸك بەرەدٸ», – دەدٸ كٶمٸر ٶندٸرۋ ۋچاسكەسٸنٸڭ مەحانيگٸ الەكساندر ۆوروتىنتسەۆ.
تاعى بٸر ماڭىزدى ارتىقشىلىعى – جاڭا جابدىق جەر استىندا ستاتسيونارلىق تٷردە ورناتىلادى. بۇرىن اۋىر سورعى ستانتسيياسىن ٶندٸرۋ جۇمىستارىنىڭ ٸلگەرٸلەۋٸنە قاراي ٷنەمٸ جىلجىتىپ وتىرۋعا تۋرا كەلەتٸن. ەندٸ مۇنداي قاجەتتٸلٸك بولمايدى, بۇل جۇمىستى ىڭعايلى ەرٸ قاۋٸپسٸز ەتەدٸ.
«بۇل سورعىلار ٶتە قۋاتتى. بٸر لاۆانىڭ جۇمىسىنا ەكەۋٸ جەتكٸلٸكتٸ, ال بۇرىن دەل وسىنداي مٸندەتتٸ ورىنداۋ ٷشٸن ەكٸ ەسە كٶپ جابدىق قاجەت بولاتىن. ستانتسييالار ۇزاق مەرزٸمگە قىزمەت ەتۋگە ەسەپتەلگەن», – دەدٸ Hauhinco كومپانيياسىنىڭ ٶكٸلدەرٸ.
جاڭا جابدىق Qarmet-تٸڭ ٶنەركەسٸپتٸ دامىتۋ قورىمەن ىنتىماقتاستىعى اياسىندا ساتىپ الىنعان. الداعى ۋاقىتتا وسىنداي سورعى ستانتسييالارىن كومپانييانىڭ باسقا شاحتالارىنا دا ورناتۋ جوسپارلانىپ وتىر. جاڭا سورعى ستانتسيياسىن ەنگٸزۋ جابدىقتىڭ سەنٸمدٸلٸگٸن ارتتىرۋعا, بوس تۇرىپ قالۋلاردى ازايتۋعا جەنە شاحتەرلەردٸڭ ەڭبەك جاعدايىن جاقسارتۋعا مٷمكٸندٸك بەرەدٸ.
ت. كٷزەمباەۆ اتىنداعى شاحتاداعى تەحنيكانى جاڭارتۋ – كومپانييانىڭ كٶمٸر كەسٸپورىندارىن اۋقىمدى جاڭعىرتۋ باعدارلاماسىنىڭ بٸر بٶلٸگٸ. Qarmet شاحتالارىندا ٶندٸرٸس تيٸمدٸلٸگٸن ارتتىرۋعا جەنە جۇمىسشىلاردى قورعاۋعا باعىتتالعان زاماناۋي جابدىقتار, اۆتوماتتاندىرۋ جٷيەلەرٸ مەن ٶنەركەسٸپتٸك قاۋٸپسٸزدٸك تەحنولوگييالارى ەنگٸزٸلۋٸن جالعاستىرىپ كەلەدٸ.
